Katimayini Katimayiuyut

Mary Simon angayuqanguhimayuq tapkunani Inuit Tapiriit Kanatami (ITK-kut), tapkuat nunaqyuaqmi Inuit timinga hivuliqhimaya talvanga 2006 tikitlugu 2012. Qimaqaqhuniuk ITK-kut, ikhivautaliuhimayuq tapkununga Nunaqyuaqmi Katimayigalaat tapkununga Inuit Iliharniqmun havaqaqgiaqaqhutik atuqpalianinik tamatkiumayut nunaqyuaqmi atugakhaliat tugangayut nakuuhivaliqninik Inuit iliharniqmun atutauvaktut pitaqnitlu. 2016-mi, tikkuaqtauyuq taphumanga Nunaqaqaqtuligiyit Ukiurtaqtumilu Havaktit Minihitagiyat Carolyn Bennett tamnaupluni Minihitaup Taihimayuq Kivgaqtilagia ikayuqninik pivaliatitni nutaq atuqatigiknit Ukiurtaqtumi Hivulirniq Uuktut tapkuat piguqvigiyat atuqpiagakhanut piyauni talvani US–Kanata Katutyiqatigit Uqauhit tapkununga Hilamun, Ikumatyutit Ukiurtaqtumilu Hivuliqnit. Hatqiqtitai nalvagaqni talvani kingulliqpaq tuhaqhityut talvani Matyi 2017. Avataani malguk inuuk avataini hivunmuktitai atuqpiagialgit inuliqutit, maniliuguttit inungnutlu pilagutit pityutai Kanatamiuni Inuit nunaliit avikhimanini, nunaqyuaqmi hilaqyuaqmilu. Havagihimayai amihut ataniuniqmun hivuliqtiuniqmik havagiyai ilautitlugu angayuqanguniq tapkununga Makivik Kuapurisan, tapkuat nunatagutinut timigiya Nunavik, angayuqanguniq tapkununga Inuit Hilaqyuap Ukiurtaqtumiutai Katimayit tamnalu Kanatamiuni Kivgaqtiuyuq tahapkununga ukiurtaqtumiunut Havagini kivgaqtiuniqlu tapkununga Nunaqyuangat Denmark. Hivuliqta Kanataup angigahuagutigini atuqtitlugu tamna pinguqtaunia tapmna Ukiurtaqtumi Katimayit qitingani-1990-ni. Piligiyiuyuq Piquyaunianut Kanata, pitaqhimayuq taphuminga Nunaqyuaqmi Piquyaunianut Quebec, tamna Guulit Piquyaunianut Akukittuq, tamna Nunaqyuaqmi Nunaqaqaqtut Pitaqninut Aittuqtaunia, tamna Guulit Piquyaunia Kanatamiuni Nunauyaliuqtit Katimayit, tamna Symons Uyamiktaq tamnalu Kavanur Gianuaralmin Ukiurtaqtumun Aituta. Ilaliutiyauhimayuq tapkununga Hilaqyuaqmi Aqnait Ilitagiyaunimanianut Ayuitninut ilaupluniluttauq tapkununga Ukiurtaqtumi Ilihaqviknut tahamani North America tamnalu Royal KAnatamiuni Nunaiuyaliuqtit Katimayit. Aulagiaqtitiqataukmiyuq katimayini katimayi tapkununga Oceans North-kut.

Dr. Peter Harrison tamna professor-nguyuq emeritus talvani Ilihaqvia Maligaqnut Ilihautit talvani Queen’s Universitymi talvani Kingston, Ontario, Kanata. Pitaqhimaya tamna Ph.D. Nunauyaliginiqmun tapkunanga University-nga Washington talvani Seattle, Washington 1973-mi. Atuqtitlugu tikipyakni 30-ukiut havaq ataniupluni inungnut kivgaqti kavamatuqatkut timingini, tikkuaqtauhimayuq minihitauyup tuklianut tapkunani Nunamittutuqat Piqaqnit Kanatami thavakvigiplugitlu tapkuat Timinga Iqaluligiyit Tagiuqmiutaligiyitlu, ataniupluni naunaiyaiyi havakti tapkununga tagiuqni tapkununga Nunaqyuaqmi Qauyihaiyit Katimayit Kanatami tapkuatlu Itqilgit Aulaqhutik Ilihagiaqtitauyut Ilihaqvit Ihuaqhautai Kanata. Havagihimakmiyattauq ataniuniq havanguyuni tapkunani Timinga Kiinauyaliqutit, Itqilgit Ukiurtaqtumilu Havaktit, Taksiligiyit tapkuatlu Havaktiligiyit Pivaliatitni Kanata. Kivgaqtuihimayuq tapkunani Hivulliutyaqni Parnaiyainilu Katimayigalaat tapkunani kavamatuqatkut minihitagiyainut Inmiguqtut Katimayit Aapisia, hivuligiaqta Kanataup angiqtaunit tapkuat United Nations Maligaqyuangi tapkununga Maligait Tagiuqnut tamaitalu kamaplugit tapkuat hanivaiviuni tapkuninga $150 milian tapkunani Hilaqyuaqmi Ukiurtaqtut Ukiunga (IPY). Dr. Harrison ikhivautaliuyuq talvani 2012 IPY Katimaqyuaqnite “Ilihimaniqnit Huliniqmun” Montrealmi.

Chris Mills qanurunaarnaittuq munarittiaqtuq maniliqinirmut ikayuqtiuyuq ikayuqtuq ilagiiktunut timiqutigiyauyunut kangirhigiamikni pilaqutingit maniliuqtanginniklu nunaryuaptikni. Naunaiyariami avatinga, inungnut piyunnautinganiklu (ESG) ihumaaluutigiyamiknik, Chris havaqatingillu ikayuqtut ikayuqtauyumaut aturiamikni piqaryuanganik piliuriami nakuuyumik aadlangurninnganik piliuqtillugu utiqtiffaarninnganik. Chris piqaqtuq iliharutimiknik iniqtiqtuq naunaitkutaqaliqtuq maniliqinirmi State Iliharvikyuanganit New York-mi ilitariyauyuqlu Naunaitkutaqaliqtuq Maniliurniqmut Atan’nguyaq, Havaaminut Atan’nguyaq, Munariyuqlu Maniliqinirmut Ikayuqtiupluni (RIA). Laisilik tunigiami maniliqinirmut ikayuqtuq tamarmikni Amialikami Kaanatamilu. Chris havaktuq hilataani Vancouver, BC.

John Lounds atan’nguyaugaluaq CEO-nguyuugaluaqlu uumani Avatinganut Timiqutauyuq Kaanatami (NCC). Hivuliqtininngani, NCC angikliyuumiqtuq akhuraaluk, maniliuqtut avatqumayumik $1 billiat taalamik munarininnganut havauhikhaq hukhaungiqtittailiyut avatqumayuq 14 milliat hectares-nik akhuurutauyut nunannga imangalu. Tamna havaariliqtinnagu, Aulapkaiyiuyuq Katimayiinginnut uumani Tukimuaqtiuyuq Ontario Ihivriuqtiuyunit (tadja Ontario Nature). John ilauyuugaluaq Kaanatami Ikayuqtiuyut Katimaiinginnit Munarininnganut, Iliharvikyuanga Waterloo Katimayiingit Atan’nguyanut, katimayiinginnullu Metcalf Tunngavingani. Piqaqtuq Ilihariayuumirhimaniqminut Naunaitkutaq Avatiliriniqmut Iliharutingit York Iliharvikyuanganit. John tadja nunaqaqtuq uumani Whitby, Ontario, quviagiyuq uigiyauyuq Ellen McRae-mit, paapagiyauyuqlu nutaqqaminut: Aimee, Scott, Melanie unalu Ed.