Havakvinga Nutaaqlu Ukiuqtaqtunga

Kaanataup Ukiuqtaqtumi tariup avatinga mihimaliqtut aadlaittuq aadlangurninnga piinaqtumik ukiuqtaqtumi hiku mikhiliqmat akhuraaluklu aadlangurniq pikmat avatilirininngani.

Talvanilu, tammaliqmat tariup hikunga hivumuuqtitaa piliqmagu umiaqtuqniq, maniliurut iqalukhiurniq, urhuqyuaq kaasiliiqlu.

Nutaaq Naunaitkutingit Aadlanguliqtumut Ukiuqtaqtumi

Una nutaaq akhuuqtut aturiami ikayuutikhainnait pipkaidjutauyuq nunaryuaptikni maniliurniqmut pipkaidjutiyuq angikliyuumiqtumik piinarialik Ukiuqtaqtumi. Taimaa Kaanataup Ukiuqtaqtunga ilihimaukmat piliurninnganut, piniarninnga pipkaidjutininnga angikliyuuminnga tamainni avikturhimayuni angitqiyauyuumiliqtuq.

Maniliurut umiat amigaittut ingilraniq akhuraaluk angikliyuumiqtuq tamainni ukiumi, ukuatlu ilaliutinga apqutingit pilimaitkaluaqmat qangaraaluk. Nunaryuap iqalukhiurniq nayugangit qiniqtut uumunnga Ukiuqtaqtumi, atauhiq avaliittuq nayugangit uumani nunaptikni atuqtaungittut ukunanit angiyut-aktikkulaangit pipkaidjutininnga tariup ataani iqalukhiurutingit. Urhuqyuaq kaasiliitlu havakvingit akhuraaluk piyut itinnakmi imaqmi Ukiuqtaqtumi tariup avatinga hivulliqpaaqpiaqmi inuup unipkaaninngani.

Taimaa Ukiuqtaqtumi ittuq huli atauhiqmik alappaarnatqiyauyuq akhuurutaulluaqtauyuq avatinga nunaryuaptikni. Havakvinga uqaqtakhait akhuurutauyuq ayurhautingit aulapkaigiami nakuuyumik pihimagiami avikturhimayumi. Kaanataup maligatigut, munariyumik unalu avatilirininnganut ihivriuqninnga tunngavingit ihariagiyuq ikhinnaqtailigiami nutaamut qanurittaakhaanik Ukiuqtaqtumi tariuqmi niuviqninnga.

Uumani Oceans North-kut, ikayuqtavut Ukiuqtaqtumi-ihuaqtuq maligat naunaitkutingit naunaiyaqtait kavamangit uumanilu havakvinga ilaliutigiami akuniraalukmik avatilirininnganut aaniaqtailininngit, aaniqtailininngit inuit nakurudjutingillu akhuurutauyut maniliurniqmut nakuuyumik pigiamikni. Havaavut ikayuqtut avatiliriniqmut-ittut iqalukhiurniq ihumaliurutit naunaiqtaa avatilirininnganut angunahuarniit akhuuquyaillu piliurninnga uuminnga Ukiuqtaqtumi umiakkuurniqmut ingilravinga hapummigiami qayagiyauyuq tariup nayugangit.