Oceans North-kut akhuuqtut aturiami nakuutqiamik pittaaqtuq naunaitkutaq havaqatigiiklutik ukiuqtaqtuqmiutanik unalu Nunaqaqqaarhimayut timiqutigiyangit ikayuriami akhuurutauyumik Ukiuqtaqtumi avatinga aaniangittuniklu ukiuqtaqtumiutat nunallaangit.

Ihariagiyut ukuninnga Nunaqaqqaarhimayut Ilihimaninnga

Nunaqaqqaarhimayut Ilihimaninnga akhuurutauyuq piliuriami munariniq ihuarhaidjutinik ihumagiyait hivituyut qanuriliurutinga inuuhiqmut Ukiuqtaqtumi ikayuriamilu qangaraaluknitat unalu avatilirininnganut aturninnga tariup avatinganik, ukunatitut inuudjutikhaq angunahuarniq katitirniqlu. Amigaittuq havauhikhaqqut ihumaliuqtauhimayut aullaqtitauyullu ukunannga Nunaqaqqaarhimayut Ilihimaninnga ayuittiaqtut. Tamainni akhuurutiptikni, qinirhiayugut ikayuutikhaptiknik naunaitkutikhaniklu inirniriinit, angunahuayuktunit inungnillu.

Ilitariyaqqullu munariniqmut ihumaliurutingit Nunaqaqqaarhimayut nunanginni piyukhaq katitiqhimayunik Nunaqaqqaarhimayut Ilihimaninnga and that Nunaqaqqaarhimayut atan’nguyat munariyakhait una havaaq.

Qitqani ittugut alianaqtumik uuktuutinik aadlangurninnga talvani akhuurutauyuq munariniq ihuarninnga qayagiyauyunut Ukiuqtaqtumi naunaiqtaungittuq akhuurutauyumik hapummiutigiami hunavaluknik uumannga inuit hulilukaarutinginnit. Nunaqaqqaarhimayut hivuliqtirininnga ayuirhaqtitaatigut hapummiutiinarialik qayagiyauyunut amigaittuq huuq piyuq, uumunnga nunallaangit. Una ilitariyait inuit hakugiktumik angunahuarniqmik pitquhilgit amigaitqiyauyuq pigiami iluittumik munariniq inungillu piqaqtut amigaittumik tunigiami munariniqmut qayagiyauyumut avatinganut.

Nalunaqtunik Naunaiyainiq-Ittut Ihuarhaidjutikhat

Ihuaqtunik qanuriliurutingit tuniyuq ihariagiyauyunik atuqtakhamiknik ikayuqtaaqtuq ukiuqtaqtumiutanut nunallaanginnut naunairiami, kangirhigiami kiugiamilu avatiliriniqmut aadlangurninngit qun’ngiaqtauyut nunamikni, kaanatamit tamainnit nunaryuaptiknilluuniit. Talvani kayumiktumik piyut avatiliriniq aadlangurniq, piyugut ihuaqtunik nutaanik unalu nutaanik ihivriuqniq ikayuriami havaavut.

Ilihimaninnga-piyut ihuarhaidjutit akhuurutauyut akuniraalukmut aaniaqtailininnganut Kaanataup ukiuqtaqtumi imanginnik unalu Nunaqaqqaarhimayut inungit nunaqaqtut tahamani. Ikayuqtavut havaariyavullu aadlatqiit havauhikhat pipkaidjutiyuq tamarmiknut Nunaqaqqaarhimayut unalu nunamikni aadlatqiiktut ilihimaninnga unalu ihuaqtut qanuriliurutauyut. Ilangit nutaat uuktuutit ilaliutiyut ukuninnga:

  • Kangirsualuup Iluani Qilalukkanik Havauhikhaq: Una atayuq havauhikhaq ukununnga kaanatami ihivriuqtiuyut Arviaqmiutallu angunahuayuktut ihivriuqtait nunaryuapta angitqianguyuq auyami amihuuninngit qilalukkanik. Tamna Inuit Ingilraaqnitanut Tutquumavinga naunaiyaqtaallu utuqqat Inuit angunahuarvigiyangit talvani nunami.
  • Darnley Bay-mi tariup uumayut maamaktittiyuktut ihivriuqniq: Oceans North-kut havaqatigiyait Inuvialuit naunaiyariami qilalukkanik aturninnga hinaa imanga uataanit Ukiuqtaqtup Darnley Bay-mi aturhugu tamarmik nipaaqtunik munariniq unalu Nunaqaqqaarhimayut Ilihimaninnga.
  • Nipaaqtunik munariniqEclipse Sound-mi: ublurhiutikkut-nutqaqtaaqtuq piksanik naunaiqtaa hikup hinaa upin’ngakhaqmi hikuirutiyu ukiakhamut hikuliraangat.