ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐱᐅᓂᖅᐹᓂ ᑐᑭᓯᒋᐊᕈᑎᓂ ᐊᑐᕈᒪᔪᑦ ᑲᑐᔾᔨᖃᑎᖃᕐᓗᑎ ᐅᑭᐅᖅᑕᖅᑐᕐᒥᐅᑕᓂ ᐊᒻᒪ ᓄᓇᖃᖅᑳᖅᓯᒪᔪᓂ ᑲᑐᔾᔨᖃᑎᒌᖑᔪᓂ ᐃᑲᔪᖅᓱᓂᕐᒧᑦ ᐱᐅᑦᑎᐊᖅᑐᒥ ᐅᑭᐅᖅᑕᖅᑐᒥ ᐊᕙᑎᒥ ᐊᒻᒪ ᖃᓄᐃᙱᑦᑎᐊᖅᑐᓂ ᐅᑭᐅᖅᑕᖅᑐᒥ ᓄᓇᓕᖕᓂ.

ᐃᑲᔪᖅᑕᐅᓇᓱᖕᓂᖅ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᕆᔭᖏᓐᓂᒃ

ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐱᓪᓗᐊᑕᐅᕗᖅ ᐋᖅᑭᒃᓱᐃᓂᕐᒧᑦ ᐱᐅᖅᓱᐊᕐᓂᕐᒧᑦ ᖃᓄᖅᑑᕈᑎᒃᓴᓂᑦ ᐃᓱᒪᖃᓯᐅᑎᓗᑎ ᐃᓅᓯᐅᔪᓂ ᐅᑭᐅᖅᑕᖅᑐᒥ ᐊᒻᒪ ᐃᑲᔪᖅᓱᕐᓗᑎ ᐃᓕᖅᑯᓯᒥᑎᒍᑦ ᐊᒻᒪ ᐱᓗᐊᖅᑕᐃᓕᓂᒃᑯᑦ ᐊᑐᕐᓂᕐᒥᑦ ᐃᒪᕐᒥᐅᑕᓂᑦ ᐊᕙᑎᖓᓂ, ᓲᕐᓗ ᓈᖕᒪᒃᑐᒥ ᐊᖑᓇᓱᒃᐸᒡᓗᑎ. ᐱᓕᐊᒃᓴᕗᑦ ᐅᓄᖅᑐᑦ ᑐᒃᓯᕋᕈᑕᐅᓲᑦ ᐊᒻᒪ ᐱᒋᐊᖅᑎᑕᐅᓲᖑᓪᓗᑎ ᓄᓇᖃᖅᑳᖅᓯᒪᔪᑦ ᖃᐅᔨᒪᔨᑕᖏᓐᓄᑦ. ᐊᔪᖏᓐᓂᓕᒫᑦᑎᓐᓂ, ᐃᑲᔪᖅᑕᐅᔪᒪᓲᖑᔪᒍᑦ ᐊᒻᒪ ᐅᖃᐅᔾᔪᖅᑕᐅᔪᒪᓲᖑᓪᓗᑕ ᓄᓇᓕᐅᑉ ᐃᓐᓇᑐᖃᖏᓐᓄᑦ, ᐊᖑᓇᓱᒃᑎᓂᒃ ᐊᒻᒪ ᓄᓇᓕᖕᒥᐅᑕᐅᔪᓄᑦ.

ᐃᓕᓴᖅᓯᖕᒥᔪᒍᑦ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᓄᓇᖃᖅᑳᖅᓯᒪᔪᑦ ᓄᓇᖁᑎᖏᓐᓂ ᑐᙵᕕᖃᕆᐊᓖᑦ ᓄᐊᑕᐅᓯᒪᔪᓂ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᓐᓂᒃ ᐊᒻᒪ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᔩᑦ ᑲᒪᔨᐅᖃᑕᐅᔭᕆᐊᓖᑦ ᐱᓕᕆᐊᕆᔭᐅᔪᓂ.

ᒫᓐᓇᐅᔪᖅ ᐱᓕᕆᐊᖃᖅᑐᒍᑦ ᐊᓕᐊᓇᐃᑦᑐᒻᒪᕆᐊᓗᖕᒥᑦ ᐊᓯᔾᔨᕈᑕᐅᓂᐊᖅᑐᒥ ᐱᐅᖅᓱᐊᕐᓂᒨᖓᔪᕐᔪᐊᖅ ᑐᕌᒐᖅ ᐊᒃᑐᖅᑕᐅᓴᕋᐃᒃᑐᓄᑦ ᐃᓂᓄᑦ ᐅᑭᐅᖅᑕᖅᑐᒥ ᓇᓗᓇᐃᖅᑕᐅᓯᒪᔪᓐᓃᖅᑐᑦ ᐊᒃᓱᕈᕈᑕᐅᔪᒥ ᓴᐳᔾᔨᓂᕐᒥᑦ ᐃᓂᐅᔪᓂᒃ ᑖᒃᑯᓇᙵᑦ ᐃᓄᐃᑦ ᖃᓄᐃᓕᐅᖅᑕᖏᓐᓄᑦ. ᓄᓇᖃᖅᑳᖅᓯᒪᔪᑦ ᓯᕗᓕᖅᑎᐅᓂᖏᑦ ᐅᕙᑦᑎᓐᓂ ᐃᓕᓐᓂᐊᖅᑎᑦᑎᓯᒪᖕᒪᑦ ᐊᔪᕐᓇᙱᓐᓂᖓᓂ ᓴᐳᔾᔨᓂᕐᒧᑦ ᐊᒃᑐᖅᑕᐅᓴᕋᐃᒃᑐᓂ ᐃᓂᓂ ᐊᒥᓱᓂ ᐱᔾᔪᑎᒃᓴᓄᑦ, ᐃᓚᒋᓪᓗᓂᐅᒃ ᑖᒃᑯᓄᖓ ᓄᓇᓕᐅᔪᓄᑦ. ᑕᒪᓐᓇ ᐃᓕᓴᖅᓯᕗᖅ ᐃᓄᐃᑦ ᓴᙱᔪᒥ ᐊᖑᓇᓱᖕᓂᕐᒧᑦ ᐃᓕᖅᑯᓯᖃᖅᑐᑦ ᐃᑲᔪᖅᑕᐅᓂᖅᐹᖑᒐᔭᖅᑐᑦ ᐱᐅᖅᓱᐊᕐᓂᒃᑯᑦ ᐊᒻᒪ ᓄᓇᓕᖕᒥᐅᑦ ᐃᑲᔪᕐᓂᖅᐹᖑᔪᓐᓇᖅᑐᑦ ᐊᐅᓚᑦᑎᓂᕐᒥᑦ ᐊᒃᑐᖅᑕᐅᓴᕋᐃᒃᑐᓂ ᐆᒪᔪᑦ ᓇᔪᒐᖏᑕ ᓯᓚᑎᖏᑕᓗ ᖃᓄᐃᑦᑑᓂᖏᓐᓂ ᐃᓂᖏᓐᓂ.

ᑭᓪᓕᓯᓂᐊᕐᓂᕐᒧᐊᖓᔪᐃᑦ ᖃᓄᖅᑑᕈᑎᒃᓴᑦ

ᑭᓪᓕᓯᓂᐊᖅᑕᐅᓂᑰᔪᑦ ᐃᑲᔫᑎᒃᓴᑦᑎᐊᕙᐅᔪᑦ ᐃᑲᔪᕈᓐᓇᖅᖢᑎᒃ ᐅᑭᐅᖅᑕᖅᑐᒥ ᖃᐅᔨᔪᓐᓇᖅᓯᓂᕐᒥᑦ, ᑐᑭᓯᐅᒪᓂᕐᒥᑦ ᐊᒻᒪ ᑲᒪᒋᔭᖃᕐᓂᕐᒥᑦ ᐊᕙᑎᓕᕆᓂᕐᒨᖓᔪᓂᒃ ᐊᓯᔾᔨᕐᓂᐅᔪᓂᑦ ᓄᓇᓕᖕᓂ ᑕᑯᔭᐅᔪᓂ, ᑲᓇᑕᒥ ᐅᕝᕙᓘᓐᓃᑦ ᓯᓚᕐᔪᐊᒥ. ᐅᓪᓗᒥᐅᓕᖅᑐᖅ ᓱᒃᑲᓕᔪᒥ ᐊᕙᑎᕗᑦ ᐊᓯᔾᔨᖅᐸᓪᓕᐊᑎᓪᓗᒍ, ᑕᑯᓇᓱᓲᖑᒐᑦᑕ ᑭᓪᓕᓯᓂᐊᖅᑕᐅᓂᑰᔪᓂᒃ ᐅᓪᓗᒥᓯᐅᑎᓂ ᐊᒻᒪ ᓄᑖᓂ ᖃᐅᔨᓴᕈᑎᓂ ᐃᑲᔪᖅᓱᓂᕐᒧᑦ ᐱᓕᕆᐊᕆᔭᑦᑎᓐᓂ.

 

ᖃᐅᔨᒪᔭᐅᔪᓂᒃ−ᑐᙵᕕᖃᕐᓗᑎ ᖃᓄᖅᑑᕈᑎᒃᓴᑦ ᐱᒻᒪᕆᐅᖕᒪᑕ ᐅᖓᓯᒃᑐᒨᖓᔪᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᐃᒪᖏᓐᓂᒃ ᐊᒻᒪ ᓄᓇᖃᖅᑳᖅᓯᒪᔪᓄᑦ ᑕᒃᐹᓂᕐᒥᐅᑕᐅᔪᓂ. ᐃᑲᔪᖅᓱᖅᑐᒍᑦ ᐊᒻᒪ ᑲᔪᓯᑎᑦᑎᓲᖑᓪᓗᑕ ᐊᔾᔨᒌᙱᑦᑐᓂ ᐱᓕᕆᐊᒃᓴᓂᑦ ᓄᓇᖃᖅᑳᖅᓯᒪᔪᑦ ᐊᒻᒪ ᓄᓇᓕᖕᒥᐅᑦ ᖃᐅᔨᒪᓂᕆᔭᖏᓐᓂᒃ ᐊᑐᖅᖢᑎ ᐊᒻᒪ ᑭᓪᓕᓯᓂᐊᕐᓂᕐᒧᑦ ᐱᓕᕆᔾᔪᓯᓂᒡᓗ. ᒫᓐᓇᒫᖑᓚᐅᖅᑐᖅ ᒪᑯᐊ ᐆᒃᑑᑎᒋᔭᐅᔪᓐᓇᖅᑐᑦ:

  • ᑲᖏᖅᓱᐊᓘᑉ ᐃᓗᐊᓂ ᖃᑯᖅᑕᓄᑦ ᕿᓚᓗᒐᕐᓄᑦ ᐱᓕᕆᐊᖅ: ᑖᓐᓇ ᑲᑐᔾᔭᐅᔪᖅ ᐱᓕᕆᐊᒃᓴᖅ ᒐᕙᒪᑐᖃᒃᑯᑦ ᑭᓪᓕᓯᓂᐊᖅᑎᖏᓐᓄᑦ ᐊᒻᒪ ᐊᕐᕕᐊᑦ ᐊᖑᓇᓱᒃᑎᖏᓐᓄᑦ ᖃᐅᔨᓴᖅᓯᒪᔪᑦ ᓯᓚᕐᔪᐊᒥ ᐊᖏᓂᖅᐹᒥ ᐊᐅᔭᒃᑯᑦ ᑲᑎᙵᐅᖅᑐᓂ ᖃᑯᖅᑕᓂ ᕿᓚᓗᒐᕐᓂ. ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᑦ ᑎᑎᖅᓯᓚᐅᕐᒥᔪᑦ ᐃᓄᐃᑦ ᐊᖑᓇᓱᒡᕕᑐᖃᖓᓂ ᑕᐅᕙᓂ ᐃᓂᐅᔪᒥ.
  • ᑖᓐᓕ ᐸᐃ ᐃᒪᕐᒥᐅᑕᓂᑦ ᐳᐃᔨᓂ ᖃᐅᔨᓴᕐᓂᖅ: ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᑲᑐᔾᔨᖃᑎᖃᓚᐅᖅᑐᑦ ᐃᓄᕕᐊᓗᖕᓂᒃ ᑎᑎᖅᓯᓂᕐᒧᑦ ᖃᑯᖅᑕᑦ ᕿᓚᓗᒐᑦ ᐃᒫᓃᖃᑦᑕᕐᓂᖏᓐᓂᒃ ᐱᖓᓐᓇᒥ ᐅᑭᐅᖅᑕᖅᑐᒥ ᑖᓐᓕ ᐸᐃᒥ ᓂᐱᖃᕐᓂᐅᔪᒧᑦ ᖃᐅᔨᓴᕐᓂᒃᑯᑦ ᐊᒻᒪ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᕆᔭᖓᓂ.
  • ᓂᐱᖃᕐᓂᐅᔪᒧᑦ ᖃᐅᔨᓴᕐᓂᖅᑕᓯᐅᔭᕐᔪᐊᕐᒥ: ᐊᔾᔨᓕᐅᕆᑯᑖᒃᑐᒥ ᐊᔾᔨᙵᐊᓂ ᓯᓈᖓᓂ ᐅᐱᕐᖓᒃᓵᒥᑦ ᓯᑯᐃᓕᖅᑎᓪᓗᒍ ᐅᑭᐊᒃᓵᒧᑦ ᓯᑯᓕᖅᑎᓪᓗᒍ.