ᐱᓕᕆᔨᕗᑦ

ᐱᓕᕆᓂᑰᒻᒪᕆᒃᖢᓂ ᐅᑭᐅᖅᑕᖅᑐᕐᒥᐅᑕᐅᓂᑰᓪᓗᓂᓗ ᑲᓇᑕᒥ, ᓗᐃ ᐳᐊᑕ ᐱᔨᑦᑎᖅᑐᖅ ᑐᑭᒧᐊᖅᑎᑦᑎᔨ ᑕᕆᐅᕐᔪᐊᓕᕆᓂᕐᒧᑦ ᐅᑭᐅᑕᖅᑐᒥ. ᓗᐃ ᑲᓇᑕᒥᐅᑕᐅᓪᓗᓂ ᐃᓚᒋᔭᐅᔪᖅ ᐊᒻᒪ ᐃᔅᓯᕙᐅᑕᖅ ᑲᑎᓐᖓᔪᓂᑦ ᐃᓄᓐᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓄᑦ, ᐅᖃᐅᔾᔨᒋᐊᖃᑦᑕᖅᑐᑦ ᓯᓚᕐᔪᐊᒥᑦ ᐱᓕᕆᔩᑦ ᐊᕙᑎᓕᕆᓂᕐᒧᑦ ᑯᐊᐳᕇᓴᓐ. ᑭᖑᓂᑦᑎᓐᓂ ᐱᔨᑦᑎᕋᓚᐅᖅᑐᑦ ᒪᓕᒐᓕᕆᓂᕐᒧᑦ ᐅᖃᐅᔾᔨᔨᐅᓪᓗᓂ ᒥᐊᓕ ᓴᐃᒪᓐᒧᑦ ᑎᒃᑯᐊᖅᑕᐅᓯᒪᑎᓪᓗᒍ ᒥᓂᔅᑕᐅᑉ ᑭᒡᒐᖅᑐᐃᔨᖓᓄᑦ ᐅᑭᐅᖅᑕᖅᑐᒧᑦ ᓯᕗᓕᖅᑎᐅᓂᕐᒧᑦ. ᓗᐃ ᒫᓐᓇᕈᓘᔪᔪᖅ ᑎᒃᑭᐊᖅᑕᐅᔪᔪᖅ ᑲᓇᑕᒥ ᐅᖃᐅᔾᔨᔨᐅᔪᓄᑦ ᐊᑐᓕᖁᔭᐅᔪᓂᒃ ᐋᖅᑭᒃᓱᐃᓲᓂᒃ ᑲᓇᑕ ᖃᓄᖅ ᑎᑭᐅᒪᑦᑎᐊᕈᓐᓇᕐᒪᖔᖅ ᓯᓚᕐᔪᐊᓕᒫᒥ ᐱᐅᖅᓱᐊᕐᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ. ᐅᖃᐅᔾᔨᔨᐅᖕᒥᔪᖅ ᐃᓕᓐᓂᐊᖅᑏᑦ ᓯᑯᒦᑦᑐᑦ ᑲᑐᔾᔨᖃᑎᒌᓄᑦ,ᐊᖏᔪᖅᑳᖅ ᐱᓕᕆᔨ ᐅᑯᓄᖓ ᓯᓚᕐᔪᐊᒥᑦ ᐱᓕᕆᕕᒃ ᒪᒃᒪᑎᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ, ᒐᕙᒪᓕᕆᔨᓄᑦ ᑲᑎᒪᔨᐅᖃᑕᐅᔪᖅ ᑕᕆᐅᕐᔪᐊᓕᕆᓂᕐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᒌᒍᑎᓂᑦ ᐊᒻᒪ ᑲᑎᒪᔨᐅᖕᒥᔪᖅ ᖃᐅᔨᓴᖅᑏᑦ ᑲᑎᒪᔨᕋᓛᖏᓐᓄᑦ ᔨᓅᒻ ᑲᓇᑕ ᖃᐅᔨᓴᖅᑎᒃᑯᑦ ᐅᖅᓱᐊᓗᖕᒥᑦ ᑯᕕᔪᓂᒃ ᑲᒪᒋᔭᐅᔾᔪᓯᖏᓐᓂᒃ ᐅᑭᐅᖅᑕᖅᑐᒥ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᑖᓪᕼᐊᐅᓯᐅᑉ ᓯᓚᑦᑐᖅᓯᕐᕕᒡᔪᐊᖓᓐᓂ ᐱᔾᔪᑎᒃᓴᓄᑦ ᐊᒻᒪ ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ, ᕼᐊᓕᕚᒃᔅ, ᓅᕙ ᓯᑰᓯᐊᒥᐅᑕᐅᓪᓗᓂ, ᓂᓗᐊᖓᓗ ᕿᑐᕐᖓᖏᓪᓗ ᐱᖓᓱᑦ.

ᐊᕙᑎᓕᕆᔨᒻᒪᕆᐅᓪᓗᓂ ᓯᓚᒥᓗ ᖃᐅᔨᓴᖅᑎᒻᒪᕆᐅᓪᓗᓂ, ᑯᕆᔅ ᑕᐱᑭ ᐱᓕᕆᖃᑎᖃᓲᖅ ᐃᓄᐃᑦ ᓄᓇᓕᖏᓐᓂᒃ ᓴᐳᔾᔨᓇᓱᓐᓂᕐᒧᑦ ᐅᓗᕆᐊᓇᖅᑐᒦᑦᑐᓂᒃ ᐅᑭᐅᖅᑕᖅᑐᒥ ᐃᒪᕐᒥᐅᑕᓂᑦ ᓇᔪᖅᑕᐅᔪᓄᑦ ᐆᒪᔪᓄᑦ ᐃᓂᐅᔪᓂᒃ ᓲᕐᓗ ᑕᓪᓗᕈᑎᐅᑉ ᐃᒪᖓᓐᓂᒃ ᐊᒻᒪ ᖃᑯᖅᑕᑦ ᕿᓚᓗᒐᑦ ᐃᓂᒋᔭᖏᓐᓂᒃ ᐱᖓᓐᓇᖅᐸᓯᖓᓂ ᑲᖏᖅᓱᐊᓘᑉ ᐃᓗᐊᓂ. ᐃᑲᔪᖅᓱᓚᐅᖅᑐᖅ ᓴᖅᑮᓂᕐᒥᑦ ᐅᐊᓐᓇᖓᓂ ᐃᒪᕐᒥ ᓴᕐᕙᖅ ᑲᑎᒪᔨᖏᓐᓂᒃ, ᒪᕐᕉᓐᓄᒃ ᓄᓇᓕᕐᔪᐊᕐᓄᑦ ᐃᒪᖁᑎᒋᔭᐅᔪᖅ ᑲᑐᔾᔨᖃᑎᒌᔭᐅᓪᓗᓂ ᐃᓄᖕᓄᑦ ᑲᓛᖦᓖᑦ ᓄᓈᓐᓂ ᐊᒻᒪ ᓄᓇᕗᒻᒥᐅᓂᑦ ᓱᕈᕐᔭᐃᖅᓯᒪᓪᓗᑎ ᑖᔅᓱᒥᖓ ᐃᒪᐅᔪᒥ. ᐃᓚᒋᔭᐅᓕᓚᐅᙱᑎᓪᓗᒍ ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ, ᐱᓕᕆᖃᑎᖃᓚᐅᖅᑐᖅ ᑖᒃᑯᓂᖓ ᕗᕆᑦᑖᕝ ᓇᓐᓴᓐ ᖃᐅᔨᓴᕐᕕᖓᓐᓂ ᓄᐊᕙᐃᒥ ᑕᕆᐅᕐᔪᐊᓕᕆᓂᕐᒧᑦ ᑲᓛᖦᓖᑦ ᓄᓈᓐᓂ ᐊᒻᒪ ᐅᒥᐊᖅᑐᓚᐅᖅᑐᖅ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᐊᖅᑯᑎᖓᒍᑦ ᐅᔾᔨᕈᓱᓕᖅᑎᑦᑎᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᕆᔭᖓᓄᑦ ᐊᒃᑐᐃᓂᕆᔭᖓᓐᓂ ᐃᓄᐃᑦ ᓄᓇᓕᖏᓐᓂᒃ. ᑐᑭᒧᐊᒃᑎᑦᑎᔨᒻᒪᕆᐅᓚᐅᕐᒥᔪᖅ ᒪᓕᒐᕐᓂᒃ ᑐᑭᓯᓂᐊᕐᕕᖕᒧᑦ, ᓄᓇᕗᒻᒥ ᒪᓕᒐᓕᕆᓂᕐᒧᑦ ᐃᑲᔪᖅᑐᐃᕕᖕᒥᑦ ᑲᑐᔾᔨᖃᑎᒌᖑᔪᑦ ᐱᔨᑦᑎᕋᖅᐸᒃᑐᑦ ᐅᑭᐅᖅᑕᖅᑑᑉ ᑲᓇᖕᓇᖓᓂ. ᒪᓕᒐᓕᕆᔨᐅᓂᕐᒧᑦ ᓇᓗᓇᐃᒃᑯᑕᖃᖅᐳᖅ ᒥᒋᐅᓪ ᓯᓚᑦᑐᖅᓯᕐᕕᒡᔪᐊᖓᓐᓂ ᐊᒻᒪ ᐃᖅᑲᓇᐃᔭᖅᐸᒃᑐᖅ ᐅᐃᓂᐱᒡ, ᒫᓂᑑᐸᒥ.

ᓲᓵᓇᐅᑉ ᑲᔪᖏᖅᓯᒪᓂᖓ ᐃᒪᕐᒥ ᐱᐅᖅᓱᐊᓂᕐᒧᑦ ᓴᖅᑭᓚᐅᖅᓯᒪᔪᖅ ᑭᖑᓪᓕᖅᐹᖓᓂ ᐊᕐᕌᒍᖓᓂ ᐃᓕᓐᓂᐊᕐᕕᐊᓗᒻᒥ ᐊᕐᕕᓂᓕᓐᓂᑦ ᑕᖅᑭᓂᑦ ᐅᒥᐊᕐᔪᐊᒦᓚᐅᖅᑎᓪᓗᒍ ᑕᕝᕙᓂᔅᓴᐃᓐᓇᐅᑎᓪᓗᒍ ᐅᑭᐅᑕᖅᑐᒥᑦ ᐆᒐᐃᑦ ᑲᑕᔅᓯᒪᑎᓪᓗᒋᑦ ᐊᑦᓛᓐᑎᒃ ᑲᓇᑕᒥ. ᐃᖅᑲᓇᐃᔮᕆᔭᖓ ᐱᓕᕆᐊᖃᓗᐊᓕᖅᑐᖅ ᑎᑭᑦᑎᓂᕐᒥᑦ ᐃᑉᐱᒋᔭᐅᑦᑎᐊᖏᑦᑐᓂᑦ ᐱᐅᖅᓱᐊᓂᕐᒧᑦ ᓄᖑᓴᐃᖏᑎᑦᑎᓂᕐᒧᑦ ᐃᖃᓗᓕᕆᓂᕐᒧᑦ ᐊᒻᒪ ᓇᔪᖅᑕᖏᓐᓂᑦ ᐱᐅᖅᓱᐊᓂᕐᒧᑦ ᐊᑦᓛᓐᑎᒃ ᑲᓇᑕᒥ ᐊᒻᒪ ᐅᑭᐅᑕᖅᑐᒥᑦ, ᐊᒻᒪᓗᑦᑕᐅᖅ ᐱᓕᕆᐊᖑᔪᑦ ᓴᐳᒻᒥᓗᒋᑦ ᐃᒪᐃᓐᓇᕐᒥᑦ ᐊᒥᓱᑦ ᐊᔾᔨᒌᑦᑐᑦ ᐆᒪᔪᐃᑦ. ᐱᔭᕇᓚᐅᖅᑕᖓ Ph.D. ᑕᐅᕼᐅᓯ ᓯᓚᑦᑐᓴᕐᕕᒃᔪᐊᒥᑦ, ᐱᖃᓯᐅᑎᓪᓗᓂ ᖃᐅᔨᓴᕐᓂᖅ ᐅᐊᓐᓇᖓᓂ ᐊᑦᓛᓐᑎᒃ ᐃᒪᕐᒥ ᐃᖅᑲᒥᐅᑕᓂᑦ ᐆᒪᔪᓂᑦ, ᐊᒻᒪ ᐃᖅᑲᓇᐃᔭᖃᑦᑕᖅᓯᒪᔪᖅ ᖁᓕᓂᑦ ᑕᓪᓕᒪᓂᓪᓗ ᐊᕐᕌᒎᓕᖅᑐᓂᑦ ᖃᐅᔨᓴᓂᕐᒧᑦ−ᐊᑐᐊᒐᓕᐅᓂᕐᒧᑦ ᑲᓇᑕᒥ ᐊᒻᒪ ᓯᓚᕐᔪᐊᒧᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᓂᑦ ᓴᐳᒻᒥᔾᔨᓂᕐᒧᑦ. ᐃᓚᐅᓚᐅᙱᑎᓪᓗᒍ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒧᑦ, ᓯᕗᓕᖅᑎᐅᓚᐅᖅᑐᖅ ᐃᒪᕐᒥ ᖃᐅᔨᓴᖅᑎᓂᑦ ᐊᕙᑎᒥᑦ ᖃᓄᐃᓕᓯᒋᐊᓂᕐᒧᑦ ᐱᓕᕆᕕᖓᓂ ᕼᐊᐹᒃᔅᒥ ᓄᓇᖃᕐᕕᖓᓂ.

ᖃᓪᓕᓕᖅᑐᖅ ᐅᑭᐅᑦ 15 ᐃᖅᑲᓇᐅᔭᖅᓯᒪᔪᖅ ᐅᑭᐅᖅᑕᑐᒥ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᐱᔾᔪᑎᐅᔪᓂᒃ, ᓰᓇ ᑐᓂᓯᔪᖅ ᐅᐸᓗᖓᐃᔭᕈᓐᓇᕐᓂᕐᒥᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐃᑲᔪᖅᑐᕐᓂᕐᒥᑦ ᐅᑯᓄᖓ ᐃᒫᓗᐃᑦ ᐅᑭᐅᖅᑕᖅᑐᒥ ᐱᓕᕆᕕᐊᓐᓂ ᐃᖅᑲᓇᐃᔭᖅᑎᓄᑦ. ᓱᓕ ᐱᔨᑦᑎᖅᓯᒪᔪᑦ ᑎᑎᕋᖅᑎᐅᓂᕐᒧᑦ ᐅᑯᓄᖓ ᐃᒫᓗᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ. ᓯᕗᓂᐊᓂ ᐃᓚᐅᑎᓚᐅᕋᓂ ᐅᑯᓄᖓ ᐃᒫᓗᐃᑦ ᐅᑭᐅᖅᑕᖅᑐᒥ, ᓰᓇ ᐃᖅᑲᓇᐃᔭᓚᐅᖅᑐᖅ ᐃᓛᒃᑰᖅᖢᓂ ᖃᐅᔨᓴᖅᑎᐅᓂᕐᒥᑦ ᐊᒻᒪᓗ ᐃᓚᒋᔭᐅᓯᒪᔪᑦ−ᒪᑭᑎᑦᑎᓂᕐᒥᑦ ᐅᑯᓂᐊ ᐅᑭᐅᖅᑕᑐᒥ ᑭᒃᑯᓕᒫᓄ ᑐᖅᑐᓂᑦ ᑲᒪᔨᐅᓂᕐᒥᑦ (Northern Public Affairs), ᐅᖃᓕᒫᒃᓴᓂᒃ ᑎᑎᕋᖅᐸᒃᖢᓂ ᓴᖅᑭᓐᓂᐊᖅᑐᓂᒃ ᑐᕌᖅᑐᑦ ᑐᑭᓯᔾᔪᑎᒃᓴᓂᒃ ᐊᐅᓪᓚᖅᑎᑦᑎᖃᑦᑕᕐᓂᕐᒥᑦ ᑐᑭᓯᑦᑎᐊᖃᑦᑕᖁᓪᓗᒋᑦ ᑭᒃᑯᑐᐃᓐᓇᐃᑦ ᐊᑐᐊᒐᑎᒍ. ᓰᓇ ᐃᓕᓐᓂᐊᖅᓯᒪᔪᑦ PHD−ᖁᑦᑎᒃᓂᖅᓴᑎᒍᑦ ᐃᓕᓴᕐᓂᕐᒥᑦ ᑭᒃᑯᓕᒫᓄᑦ ᑐᕌᖅᑐᓂᑦ ᐊᑐᐊᒐᓕᕆᓂᕐᒧᑦ ᑲᐅᕐᑕ ᓱᓚᑦᑐᖅᓴᕐᕕᐊᓂ ᐋᑐᐋᒥ. ᐃᒪᓐᓇ ᖃᐅᔨᓴᖅᓯᒪᔪᑦ ᐃᓕᓐᓂᐊᕐᓂᕐᒥᑦ ᐊᐅᓚᑦᑎᓂᕐᒥᑦ ᓄᓇᕗᒥ ᐊᒻᒪᓗ ᑐᑭᖏᓐᓂᒃ ᑎᒥᐅᔪᓂᒃ ᓴᖅᑭᑉᐸᓪᓕᐊᑎᓪᓗᒋᑦ ᑎᒥᑦ ᐃᒪᓐᓇᓗ ᐃᓗᓕᖏᑦ ᐅᓪᓗᒥᒨᖓᑎᓪᓗᒋᑦ ᐊᖏᕈᑎᐅᔪᑦ. ᓰᓇ ᓄᓇᖃᖅᑐᑦ ᑕᓪᑕᖦ, ᐋᓐᑎᐊᕆᔭ ᐅᐃᖓᓗ ᐊᒻᒪᓗ ᕿᑐᕐᖓᖏᑦ ᐃᓐᓇᐅᓕᖅᑐᑦ ᐃᕐᓂᖏᒃ.

ᑕᐅᕙᙶᖅᑐᖅ ᕿᑎᑉᐸᓯᐊᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᕼᐃᓗ ᐱᓕᕆᔪᒻᓚᕆᐅᓂᑰᔪᖅ ᓄᓇᓕᖕᓂᒃ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᐊᕙᑎᓕᕆᓂᕐᒧᑦ ᕿᒥᕐᕈᓂᕐᒧᑦ ᐱᓕᕆᓂᐅᔪᓂᒃ. ᐃᓚᒋᔭᐅᔪᖅ ᑖᒃᑯᓄᖓ ᓄᓇᕗᒻᒥᐅᑦᒪᑭᑕᒍᓐᓇᕐᓂᖏᑦ, ᐃᓛᒃᑰᖓᔪᖅ ᒐᕙᒪᐅᙱᑦᑐᖅ ᑲᑐᔾᔨᖃᑎᒌᑦ ᑐᓴᖅᑎᑦᑎᓲᑦ ᓄᓇᕗᒻᒥᐅᑕᕐᓂᒃ ᐊᒃᑐᖅᑕᐅᔾᔪᑎᓂᒃ ᓄᖑᓱᐃᑦᑐᕐᓂᒃ ᐅᔭᕋᖕᓂᐊᕐᓂᕐᒧᑦ, ᑲᑎᒪᔨᐅᓪᓗᓂᓗ ᑖᒃᑯᓄᖓ ᐅᔭᕋᖕᓂᐊᕐᓂᕐᒥᑦ ᖃᐅᔨᓴᕐᓂᕐᒥᑦ ᑲᓇᑕᒥ. ᕼᐃᓗ ᑭᒡᒐᖅᑐᐃᓯᒪᔪᖅ ᐃᓄᖕᓂᒃ ᑲᓇᑕᒥ ᐊᒻᒪᓗ ᑲᓇᑕᐅᑉ ᓯᓚᑖᓂ. ᐅᖃᓪᓚᕆᐊᖅᑐᓚᐅᖅᓯᒪᔪᖅ ᓄᓇᕐᔪᐊᕐᒥ ᑲᑎᒪᔩᑦ ᑲᑎᙵᓂᖃᖅᑎᓪᓗᒋᑦ ᐊᑐᓕᖅᑎᑦᑎᓂᕐᒥᑦ ᓄᓇᕐᔪᐊᕐᒥᑦ ᑲᑎᒪᔩᑦ ᐱᓕᕆᓂᐊᕐᓂᖏᓐᓄᑦ ᐱᔪᓐᓇᐅᑎᒋᔭᐅᔪᓂᒃ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ, ᐃᑲᔪᖅᓯᒪᔪᖅ ᐋᖅᑭᒃᓱᐃᓂᕐᒥᑦ ᓄᓇᖅᑲᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ ᑲᓇᑕᒥ ᐅᖃᐅᓯᒃᓴᖏᓐᓄᑦ ᑲᓇᑕᒥ ᐊᒃᑐᐃᓂᖃᕐᓂᕐᒧᑦ ᖃᐅᔨᓴᕐᓂᕐᒧᑦ ᐱᖁᔭᕐᒥᑦ, ᐊᒻᒪᓗ ᐃᑲᔪᖅᓯᒪᔪᖅ ᔫᕋᑉ ᐊᖏᓂᖅᐹᖓᓂ ᖃᐅᔨᓴᕐᓂᕐᒧᑦ ᑭᒡᒐᖅᑐᐃᕕᖓᓂ ᐊᑐᖃᓯᐅᑎᓂᕐᒥᑦ ᓄᓇᓕᖕᓂᒃ ᖃᐅᔨᒪᔭᐅᔪᑐᖃᕐᓂᒃ ᐅᑭᐅᖅᑕᖅᑐᒥᑦ ᖃᐅᔨᓴᕐᓂᕐᒧᑦ. ᕼᐃᓗ ᐊᓈᓇᒋᔭᐅᔪᖅ ᒪᕐᕉᖕᓄ ᐃᓐᓇᕈᓵᖅᑑᖕᓂᒃ, ᐊᒻᒪᓗ ᐃᓕᓐᓂᐊᕋᓂᒍᑎᖃᖅᖢᓂ B.A. ᑳᑕᓐ ᔪᓂᕘᓯᑎᒥ.

ᖁᓕᑦ ᐊᕐᕌᒍᓂᑦ ᐃᖃᓇᐃᔭᖅᓯᒪᓪᓗᓂ ᐃᖃᓇᐃᔭᕐᓗᓂ ᐊᕙᑎᓕᕆᓂᕐᒧᑦ ᐊᑐᐊᒐᓕᕆᓂᕐᒥ, ᐊᔪᐃᓐᓇᕈᔾᔨᔨᐅᓗᓂ, ᐊᒻᒪᓗ ᒐᕙᒪᒃᑯᓐᓂᑦ ᐱᓕᕆᐊᖑᔪᓂ, ᒧᓪᓖ ᐱᓕᕆᐋᖃᓪᓗᐋᑕᕐᒪᑦ ᐃᖃᔪᕐᓂᕐᒥᑦ ᐃᒫᓗᒃ ᑐᓄᕕᐊᖅᒥ ᐊᐅᓚᑦᑎᓗᓂ ᐊᒻᒪᓗ ᐱᔭᐅᑎᑦᑎᕙᒡᓗᓂ ᐊᑑᑎᖃᕐᓂᖅᐹᒥᒃ ᐱᓕᕆᐋᖑᔪᒪᔪᒥᒃ ᐃᓘᓐᓇᓕᒫᖓᓂ ᐃᖃᓇᐃᔭᕐᕕᖁᑎᐅᑉ. ᒫᓐᓇᕋᑖᖑᓚᐅᖅᑐᖅ, ᒧᓪᓖ ᐃᖃᓇᐃᔮᖃᓚᐅᕐᒪᑦ ᐊᕕᒃᑐᖅᓯᒪᓂᕐᒥᑦ ᐊᒻᒪᓗ ᑐᓴᐅᒪᖃᑎᒋᒍᑎᓂ ᐅᖃᐅᔾᔨᒋᐋᖅᑎᐅᓗᓂ ᒥᓂᔅᑕᖓᓄᑦ ᐊᕙᑎᓕᕆᓂᕐᒥ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐋᓂᖓᓂ ᑲᓇᑕᒥ, ᑕᕝᕙᓂᓗ ᐊᕐᓇᖅ ᐱᓚᐅᖅᖢᓂ ᐃᑎᔪᒥᑦ ᑐᑭᓯᐊᓕᕐᓂᕐᒥᑦ ᐃᓱᒪᒋᔭᐅᔪᓂᑦ ᑕᒪᒃᑯᐊ ᐊᔾᔨᒌᖏᑦᑐᑦ ᓄᓇᓖᑦ ᓄᖑᑕᐅᑎᑦᑎᑕᐃᓕᒪᓂᕐᒥᑦ. ᐃᓚᒋᔭᐅᓗᓂ ᑖᔅᓱᒪ ᐃᖃᓇᐃᔭᖓ ᒥᓂᔅᑕᓂᒃ ᐅᖃᐅᔾᔨᒋᐋᖅᑎᐅᓪᓗᓂ, ᐃᖃᓇᐃᔭᖅᓯᒪᓕᕐᒪᑦ ᒐᕙᒪᓕᕆᓂᕐᒥ ᐱᓕᕆᖃᑎᒌᑦᑎᐊᕋᓱᐋᖅᑐᓂ ᐊᒻᒪᓗ ᑮᓇᐅᔭᓕᐅᕋᓱᐋᖏᑦᑐᓂ ᐃᒻᒥᒃᑰᖓᓂᕐᒥ: ᒧᓪᓖ ᒫᓐᓇᕋᑖᖑᓚᐅᖅᑐᖅ ᑐᑭᒧᐊᒃᑎᑦᑎᔨᐅᓚᐅᕐᒪᑦ ᑲᓇᑕᒥᐅᑕᐃᑦ ᖃᓄᐃᕐᓗᒍᑎᖃᖏᓗᑎᒃ ᑲᔪᓯᑦᑎᐊᕐᓂᕐᒥ, ᑮᓐᓇᐅᔭᒍᑎᖃᕋᓱᐋᖏᑦᑐᓂ ᐱᓕᕆᔪᒪᑦᑎᐋᓗᓂ ᐋᖅᑭᒃᓱᐃᓇᓱᐊᕐᓗᒪᑦ ᐊᖏᖃᑎᒌᒃᑐᐃᓐᓇᐅᓂᕐᒥᑦ ᐱᓕᕆᐋᖃᕐᓗᓂ ᐊᑭᑖᖅᑎᑦᑎᓂᕐᒥᑦ ᐃᑭᓲᒃᓴᕋᔭᓂ, ᐃᓚᒋᔭᐅᓪᓗᓂ ᑲᓇᑕᒥ ᑐᑭᒧᐊᒃᑎᑦᑎᔨᐅᓪᓗᓂ ᐅᑯᓇᓂ ᐊᑭᒋᓂᐋᖅᑕᖑᓂᑦ ᐋᖅᑭᒃᓯᕕᒋᓚᐅᕈᒃ – ᑲᓇᑕᒥ. ᐃᖃᓇᐃᔭᖅᑐᖅ ᐋᑐᕚᒥ.

ᐊᕙᑎᓄᑦ ᐅᑭᐅᓄᑦ ᐅᖓᑖᓄᑦ ᐱᓕᕆᓂᑰᓪᓗᓂ ᑮᓇᐅᔾᔭᕋᓱᐊᖅᑐᓄᑦ ᐊᒻᒪ ᑮᓇᐅᔾᔭᕋᓱᐊᙱᑦᑐᓄᑦ ᐃᖅᑲᓇᐃᔭᕐᕕᓐᓂ, ᑎᐊᐱ ᐴᓐᕼᐋᑦ ᐱᓕᕆᔨᒻᒪᕆᐅᕗᖅ ᐊᐅᓚᑦᑎᓂᕐᒥᑦ, ᑮᓇᐅᔭᕐᓂ ᓈᓴᐃᓂᕐᒥ ᐊᒻᒪ ᑮᓇᐅᔭᓕᕆᓂᕐᒥᑦ. ᓇᓗᓇᐃᒃᑯᑕᖃᖅᐳᖅ ᑮᓇᐅᔭᓕᕆᔨᐅᓂᕐᒥᑦ, ᓈᓴᐃᔨᐅᓂᕐᒥ, ᓇᓗᓇᐃᒃᑯᑕᖃᖅᑐᓂᓪᓗ ᐅᓗᕆᐊᓇᖅᑐᒥ ᐊᐅᓚᑦᑎᓂᕐᒥ. ᐋᑐᐊ, ᐊᓐᑎᐅᕆᔫᒥ ᐃᖅᑲᓇᐃᔭᖅᑐᖅ.

ᔮᓐ ᐱᓕᕆᐊᖃᓕᒪᔪᖅ ᑕᒪᐃᓐᓂ ᓄᓇᖃᖅᑳᖅᑐᓂᒃ ᐊᒻᒪ ᓄᓇᖃᖅᑳᙱᑦᑐᓂᒃ ᐃᖃᓗᒐᓱᒃᑎᐅᕙᒃᑐᓂᒃ. ᒪᑯᓂᖓ ᐃᖃᓗᒐᓱᖕᓂᐊᖅᑎᓂᒃ ᐱᓕᕆᖃᑕᐅᓯᒪᓪᓗᓂ, ᐃᖅᑲᓇᐃᔭᓚᐅᕐᓯᒪᖕᒥᔪᖅ ᐊᕐᕌᒍᑦ ᖁᓕᑦ ᐅᖓᑖᓂᒃ ᐃᖃᓗᓕᕆᔨᒃᑯᓐᓂᒃ ᐊᒻᒪ ᑕᕆᐅᕐᒥᐅᑕᓕᕆᔨᒃᑯᓐᓂᒃ ᐊᔾᔨᒌᙱᑦᑐᓂᒃ ᐱᓕᕆᐊᖃᑲᑕᒃᖢᓂ. ᑕᕆᐅᕐᔪᐊᓕᕆᔨᒃᑯᑦ ᐅᑭᐅᕐᑕᖅᑐᕐᒥ ᐃᓚᐅᓚᙱᑎᓪᓗᒍ, ᔮᓐ ᐱᓕᕆᖃᑎᖃᓚᐅᕐᓯᒪᔪᖅ ᐅᓇᒪ’ᑭ ᐊᑐᒃᑲᓐᓂᕈᓐᓇᖅᑐᓕᕆᔨᒃᑯᓐᓂᒃ ᐃᖃᓗᓕᕆᓂᕐᒧᑦ ᑐᑭᒧᐊᖅᑎᑦᑎᔨᐅᓪᓗᓂ, ᑕᕝᕙᓂᓕ ᐱᓕᕆᐊᖃᓚᐅᕐᓯᒪᔪᖅ ᐊᓪᓚᓂ ᒥᒃᒫ ᐃᓚᐅᓪᓗᓂ ᐃᖃᓗᒐᓱᖃᑕᐅᓂᕐᒥᒃ ᐊᒻᒪᓗ ᐃᖃᓗᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᑲᑎᒪᔭᖅᑐᖃᑕᐅᕙᒃᖢᓂ ᑕᒪᐃᓐᓂ ᑲᓇᑕᒥ ᐊᒻᒪ ᐊᓯᐊᓂ. ᔮᓐ ᐊᑯᓂᐊᓗᒃ ᓄᓇᓕᖕᓂ ᐱᓕᕆᐊᖃᕈᓘᔭᖃᑦᑕᖅᓯᒪᔪᖅ ᐊᒻᒪ ᐃᑲᔪᖅᑎᐅᕙᒃᖢᓂ, ᐃᓚᐅᓯᒪᓪᓗᓂ ᑲᑐᔾᔨᖃᑎᒌᓄᑦ ᒪᑯᓄᖓ ᐊᕕᒃᑐᖅᓯᒪᓂᒃᑯᑦ ᐋᓐᓂᐊᕕᖕᓄᑦ ᑐᙵᕕᒃᓂᒃ, ᑲᐃᑉ ᐳᕆᑕᓐᒥᒃ ᕼᐅᐊᔅᒪᓐ ᑲᑐᔾᔨᖃᑎᒌᓄᑦ, ᐅᑯᓄᖓ C@P ᑲᑐᔾᔨᖃᑎᒌᓄᑦ, ᐊᒻᒪᓗ ᑲᓇᑕᒥ ᐃᑲᓗᒐᓱᖕᓂᐊᖅᑎᓄᑦ ᑲᑐᔾᔨᖃᑎᒌᒧᑦ. ᐅᕙᓂ ᓄᓇᖃᕐᑐᖅ ᑲᐃᑉ ᐳᕆᑕᓐ, ᑕᕝᕙᓂᓗ ᐱᕈᖅᓴᖅᓯᒪᓪᓗᓂ.

ᑭᓪᓰ ᑯᕋᐅᓯ ᓴᙱᔪᐋᓗᖕᒥᑦ ᐱᔪᒪᓂᖃᕐᒪᑦ ᐃᒪᕕᖕᒥ ᓄᖑᑕᐅᑎᑦᑎᑦᑕᐃᓕᒪᓂᕐᒥᑦ ᐊᒻᒪᓗ ᓄᓇᓕᖕᒥᑦ ᐱᓕᕆᖃᑎᖃᕐᓂᕐᒥᑦ. ᖃᐅᔨᓇᓱᐋᖅᑎᐅᓂᕐᒥᓄᑦ, ᐊᕐᓇᖅ ᐃᑲᔪᖃᑦᑕᖅᓯᒪᖕᒪᑦ ᖃᐅᔨᒪᒋᐊᖅᓯᕙᒡᓗᓂ ᐃᖃᓗᖕᓂᑦ ᑲᖏᖅᖢᐋᓂ ᐸᓐᑎ ᑐᑭᓯᔪᒪᓪᓗᓂᒋᑦ ᖃᓄᖅ ᓱᕈᕐᓇᖅᑐᕈᒃᑎᑕᐅᔪᑦ ᐱᕙᓪᓕᐋᓕᓱᖑᒪᖔᑕ ᐊᒃᑐᐃᓗᑎᒃ ᓇᓕᐋᖕᓄᐋᕐᓂᖏᓐᓂᑦ. ᐊᕐᓇᖅ ᐃᖃᓇᐃᔭᖃᑦᑕᖅᓯᒪᖕᒥᔪᖅ ᓯᒡᔭᖏᓐᓂ ᓄᖑᑕᐅᑎᑦᑎᑕᐅᓕᒪᓂᕐᒥᑦ ᐱᒋᐋᖅᑎᑦᑎᓪᓗᓂ ᓅᕙ ᓯᑰᓴᒥ, ᐱᓕᕆᐋᖃᓪᓗᐋᑕᕐᓗᓂ ᑭᓱᖃᕐᓂᐅᕙᒃᑐᒥᑦ ᐃᓕᖅᑯᓯᕆᓚᐅᖅᑕᖓᑎᑑᓕᖅᑎᑦᑎᓇᓱᐋᕐᓗᓂ ᐊᒻᒪᓗ ᐊᕙᑎᑦᑎᓐᓅᖓᓕᕆᓗᓂ ᐊᑲᐅᙱᓕᐅᕈᑎᖃᕈᓐᓃᖅᑎᑦᑎᓇᓱᐋᕐᓗᓂ ᓴᐳᒻᒥᔭᐅᖁᓪᓗᒍ ᓯᒡᔭᐅᑉ ᑭᒡᓕᖏᑦ ᓯᒡᔭᐃᑦ ᓄᖑᑎᖅᑕᐅᓗᐋᑎᑦᑕᐃᓕᒪᓇᓱᐋᕐᓗᒋᑦ. ᑭᓪᓰ ᐱᓯᒪᖕᒪᑦ ᐊᔪᙱᓛᖅ ᖃᐅᔨᓇᓱᐋᕐᓂᕐᒧᑦ ᐅᑭᐅᖅᑕᖅᑐᖅᐸᓯᖕᒥ ᖃᐅᔨᓇᓱᐋᓚᐅᖅᓯᒪᓪᓗᓂ ᑕᐃᑲᓂ ᑲᐅᕐᓕᑕᓐ ᓯᓚᑦᑐᖅᓴᕐᕕᒡᔪᐋᖓᓂᑦ, ᑕᐃᑲᓂᓗ ᖃᐅᔨᓇᓱᐋᓚᐅᖅᖢᓂ ᓯᓅᒃ ᐃᖃᓗᒃᐱᖏᓐᓂᑦ ᔫᑲᓐ ᑰᖓᓂ ᐃᒪᖃᕐᕕᐅᕙᒃᑐᒥ. ᐊᕐᓇᖅ ᐃᖃᓇᐃᔭᕐᕕᖃᕐᒪᑦ ᕼᓚᐸᒃᓯᒥ, ᓅᕙ ᓯᑰᓴᒥ.

ᐊᑐᕐᓗᒍ ᖃᓂᒋᔭᖏᓐᓃᑦᑐᑦ 15 ᐊᕐᕌᒍᑦ ᐱᓕᕆᐊᕆᓯᒪᔭᖏᑦ ᐃᖃᓇᐃᔭᕐᓗᓂ ᐆᒻᒪᖁᑎᓕᕆᓂᕐᒥ, ᐊᕙᑎᓕᕆᓂᕐᒥ, ᐊᒻᒪᓗ ᓄᓇᖃᖅᑳᒃᓯᒪᔪᓂ ᐱᓕᕆᐊᖑᔪᓂ, ᕗᕆᓐᑦ ᐱᓕᕆᐊᖃᓪᓗᐊᑕᕋᓱᐊᕐᒪᑦ ᓯᕗᒧᐋᒃᐸᓪᓕᐊᓂᖓᓂᑦ ᐃᒪᕕᖕᒥ−ᑐᙵᕕᖃᕐᓗᓂ ᓯᓚᓕᕆᓂᕐᒧᑦ ᐋᖅᑭᒍᑎᒃᓴᓂᒃ. ᓯᕗᓂᖓᒍᑦ ᐃᓚᒋᔭᐅᓕᓚᐅᖏᓐᓂᕐᒥᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ, ᕗᕆᓐᑦ ᐃᖃᓇᐃᔭᖃᓚᐅᕐᒪᑦ ᐊᖓᔪᖄᖑᓪᓗᓂ ᐃᖃᓇᐃᔭᖅᑎᖏᓐᓄᑦ ᒥᓂᔅᑕᐅᑉ ᐊᕙᑎᓕᕆᓂᕐᒧᑦ, ᒥᕐᖑᐃᖅᓯᕐᕕᓕᕆᓂᕐᒧᑦ, ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐊᐅᓪᕘᑕᒥ, ᑕᐅᕙᓂᓗ ᐃᑲᔪᖃᑦᑕᓚᐅᕐᒪᑦ ᐋᖅᑭᒃᓱᐃᓪᓗᓂ ᐊᒻᒪᓗ ᐊᑐᓕᖅᑎᑦᑎᓪᓗᓂ ᐊᕕᒃᑐᖅᓯᒪᓂᕐᒥ ᓯᓚᓕᕆᓂᕐᒥ ᓯᕗᓕᖅᓯᓪᓗᓂ ᐸᕐᓇᒍᑎᒥᒃ, ᐱᓕᕆᐊᕆᖃᓯᐅᑎᓪᓗᓂᒋᑦ ᐊᔪᖏᓐᓂᖅᓴᐃᑦ ᑲᔪᓯᑦᑎᐊᕈᒪᓂᕐᒧᑦ ᐱᓕᕆᐊᖑᔪᒪᔪᓂ ᓴᕿᑎᑦᑎᔪᒪᓪᓗᓂ ᓄᑖᒥᑦ ᒥᕐᖑᐃᖅᓯᕐᕕᖕᓄᑦ ᐊᒻᒪᓗ ᓴᐳᒻᒥᔭᐅᔪᓂᑦ ᓇᔪᒐᕐᓂᑦ. ᓇᖕᒥᓂᖅ ᐱᕕᖃᓕᑐᐊᕌᖓᒥ, ᓇᓂᔭᐅᔪᓐᓇᕋᔭᖅᑐᖅ ᓇᕈᑎᓪᓗᒍ ᐃᓐᓈᕈᖏᓐᓂ ᓯᐊᕐᕆᔮᖃᑦᑕᖅᑎᓪᓗᒍ ᐅᕝᕙᓗᓂᑦ ᖃᐅᔨᔭᕆᐅᕋᓱᐊᕐᓗᓂᒋᑦ ᑲᓇᑕᐅᑉ ᑰᖏᑦ ᐊᒻᒪᓗ ᑕᓯᖏᑦ. ᐱᓕᕆᐊᕆᔪᒪᓗᐊᙳᐋᖅᑕᖏᑦ ᖃᐅᔨᔭᕆᐅᕈᒪᓪᓗᓂᒋᑦ ᓄᓇᐃᓐᓇᕐᒦᑦᑐᑦ ᐊᒻᒪᓗ ᐱᓕᕆᔪᒪᓪᓚᕆᖕᓂᕆᔭᓂ ᐃᓅᓕᒫᓄᑦ ᐱᔨᑦᓯᕈᑎᓂ ᑲᔪᓯᑦᑎᐊᓕᕈᑎᒋᕙᖕᒪᒋ ᑲᔪᓯᑦᑎᐊᓕᕈᑎᒋᕙᖕᒪᒋᑦ ᐃᑲᔪᕈᒪᓪᓗᓂ ᕿᓚᒻᒥᐅᓂᖅᓴᐅᓕᖅᑎᓪᓗᓂᒋᑦ ᐊᓯᕈᒃᐸᓪᓕᐊᓂᖏᑦ ᐱᑕᖃᕈᓐᓃᖁᓪᓗᒍ−ᔨᐅᓘᓕᕐᓗᓂ ᐳᔪᕐᓗᐋᕿᓂᖅ ᓄᓇᕐᔪᐊᒥ.

ᐳᕋᐃᓐ ᑎᕙᐃᓐ ᐃᓕᓐᓂᐊᖅᓯᒪᔪᖅ ᐃᖃᓄᖕᓂᒃ ᐊᒻᒪᓗ ᐃᖃᓗᓕᕆᓂᕐᒥᒃ ᐊᔾᔨᒌᙱᑦᑐᒥᒃ ᑕᕆᐅᒥᑦ ᐆᒪᔪᑦ ᓇᔪᒐᖏᓐᓂᒃ, ᐃᒃᑲᑦᑐᓂᑦ ᓯᕐᔭᕐᓃᑦᑐᓂᒃ ᐋᑐᕇᐊᒥᑦ ᑕᐃᑯᖓ ᐃᑎᔪᓄᑦ−ᑕᕆᐅᕐᒧᑦ ᑲᓇᖕᓇᖓᓂᑦ ᑲᓇᑕᐅᑉ. ᐱᓕᕆᓯᒪᔭᖏᑦ ᑐᕌᒐᖃᖅᓯᒪᔪᑦ ᑲᔪᓯᑎᑕᐅᔪᓐᓇᖅᑐᑦ ᐃᖃᓗᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪᓗ ᐱᐅᖅᓯᐅᕐᓂᕐᒥᒃ ᐅᑭᐅᖅᑕᖅᑑᑦ ᑕᕆᐅᒥᑦ ᐆᒪᔪᑦ ᓇᔪᒐᖏᓐᓂᑦ. ᐃᓚᒋᔭᐅᓕᓚᐅᖏᓐᓂᖓᓂ ᐃᒫᓗᐃᑦ ᐅᑭᐅᖅᑕᖅᑐᒥ, ᐳᕋᐃᓐ ᐱᓕᕆᖃᑦᑕᕐᔪᐊᖅᓯᒪᔪᖅ ᐆᒪᔪᓂᒃ ᐊᔾᔨᒌᙱᑦᑐᓂᒃ ᐊᖑᓇᓱᒃᑕᐅᙱᖢᑎᒃ ᐊᖑᓂᒃᑕᐅᔪᓂᒃ ᐅᑭᐅᖅᑕᖅᑐᒥᑦ ᐃᑎᔪᓂᑦ ᐃᖃᓗᓕᕆᓂᕐᒥᑦ, ᐱᓗᐊᖅᖢᒋᑦ ᐃᖃᓗᒡᔪᐊᓂᒃ. ᐃᓕᓴᕆᔭᐅᔾᔪᑎᑖᖅᓯᒪᔪᖅ ᒪᒧᐊᕆᐅᓪ ᐃᓚᑦᑐᖅᓴᕐᕕᖓᓂᑦ ᓂᐅᕗᓐᓛᓐᒥᑦ, ᖃᐅᔨᓴᕐᓂᕆᔭᖓ ᖃᐅᔨᓇᓱᓚᐅᖅᑎᓪᓗᒍ ᐊᕙᑎᓕᕆᓂᕐᒧᑦ ᐊᐅᖅᑕᐅᕙᒃᑐᑦ ᐃᑎᔪᓂᑦ ᐃᖃᓗᐃᑦ ᓇᓃᓐᓂᖏᑦ ᑕᐃᑲᓂ ᐊᑦᓛᓐᑎᒃᒥ ᑲᓇᑕᒥ ᐊᒻᒪᓗ ᑲᓇᖕᓇᖓᓂᑦ ᐅᑭᐅᖅᑕᖅᑑᑉ. ᓄᓇᖃᖅᑐᑦ ᕼᐊᓕᕚᒃᓯᒥ, ᓅᕙᔅᑰᓴᒥᑦ.

ᐱᓕᒪᒃᓴᓯᒪᓪᓗᓂ ᐃᓚᒋᓕᐅᔾᔨᓂᕐᒥ ᐊᕙᑎᓕᕆᓂᕐᒥᑦ ᐊᒻᒪᓗ ᐊᓐᓇᐅᒪᓇᓱᐊᕐᓂᕐᒧᑦ ᐊᐅᓚᑦᑎᔨᐅᓂᕐᒥᑦ, ᐅᒥᐊᕐᔪᐊᒥᓂᓕᕆᓂᕐᒥ ᐃᑲᔪᖅᓱᐃᓗᓂ ᐊᒻᒪᓗ ᐊᔪᖏᓐᓂᖅᓴᐅᓕᖅᑎᑦᑎᓗᓂ ᓄᓇᓕᖕᓅᖓᔪᓂᑦ ᓄᖑᑎᑦᑎᑕᐃᓕᒪᓂᕐᒧᑦ ᓴᓇᔭᒃᓴᓂᑦ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᓂᖓᓂ. ᐊᔪᖏᓛᑉ ᐃᓕᓐᓂᐊᖅᓯᒪᓂᖃᕐᓗᓂ ᐊᕙᑎᓕᕆᓂᕐᒥ ᓯᓚᑦᑐᖅᓴᕐᕕᒡᔪᐊᖓᓂ ᓱᕐᕗᕈᒃ, ᑕᐃᑲᓂ ᐃᓕᓴᓯᒪᓪᓗᓂ ᐱᓕᕆᐊᖃᓪᓗᐊᑕᕐᓗᓂ ᖃᓄᖅ ᓄᓇᖃᖅᑳᒃᓯᒪᔪᑦ ᓴᐳᒻᒥᔭᐅᓂᖏᓐᓂᑦ ᐊᒻᒪᓗ ᐊᓯᕈᒃᑎᑕᐅᑦᑕᐃᓕᒪᓗᑎᒃ ᓇᔪᒐᐃᑦ (IPCA) ᑲᓇᑕᐅᑉ ᐅᑭᐅᖅᑕᖅᑐᖓᓂ ᐱᕚᓪᓕᕈᑕᐅᔪᓐᓇᕐᒪᑦ ᑕᒪᒃᑭᖏᓐᓄᑦ ᓄᓇᓕᖕᓄᑦ ᐊᒻᒪᓗ ᐃᒪᕕᖕᒥ ᐆᒪᔫᖃᑎᒋᖕᓂᓕᕆᓂᕐᒥ. ᐅᒥᐊᕐᔪᐊᒥᓂᖅ ᐃᓂᖃᒃᑎᑕᐅᖕᒪᑦ ᒪᓐᑐᕆᐋᒥ, ᑯᐱᐊᒃ.

ᕼᐊᑐ ᒍᕌᓐᑦ ᐊᔪᙱᓐᓂᕐᒥᓂᒃ ᐊᑐᖃᑦᑕᖅᑐᖅ ᐊᔪᙱᔾᔪᑎᒥᓂᒃ ᑐᓴᐅᒪᔾᔪᑎᓕᕆᓂᕐᒥᒃ ᐱᓕᕆᐊᖃᖅᑎᓪᓗᒍ ᐊᒻᒪᓗ ᐊᑐᐊᒐᓂᒃ ᖃᐅᔨᒪᔭᐅᑎᑦᑎᓇᓱᒃᐸᒃᖢᓂ ᐋᖅᑭᒃᓱᐃᓂᒃᑯᑦ ᑕᑯᔭᐅᓴᕋᐃᑦᑐᓐᓇᖅᑐᓂᒃ ᐊᒻᒪᓗ ᖃᕋᓴᐅᔭᒃᑯᑦ ᓴᖅᑭᔮᖅᑐᒃᓴᓕᕆᓂᕐᒥᒃ ᐃᑲᔪᕈᑎᓂᒃ ᑕᕆᐅᕐᒥ ᐃᓕᓐᓂᐊᕈᑎᓂᒃ, ᐃᑲᔪᖅᑐᐃᓂᕐᒧᑦ ᐊᒻᒪᓗ ᐊᑐᐊᒐᓂᒃ ᐊᓯᙳᖅᑐᓄᑦ. ᑕᕆᐅᕐᔪᐊᓕᕆᔨᒃᑯᑦ ᐅᑭᐅᕐᑕᖅᑐᕐᒥ ᐃᓚᐅᓚᐅᙱᑎᓪᓗᒍ, ᕼᐊᑐ ᐱᓕᕆᐊᖃᓚᐅᕐᑐᖅ ᐱᓕᕆᔨᐅᓪᓗᓂ ᒪᑯᓂᖓ ᑲᓇᑕᒥ ᓄᓇᕐᔪᐊᒥᓪᓗ ᑕᕆᐅᕐᔪᐊᓂᒃ ᓴᐳᔾᔨᓯᒪᓂᕐᒧᑦ ᐱᓕᕆᐊᖃᖅᑐᓂᒃ. ᐃᓕᓐᓂᐊᕌᓂᒍᑎᓂᒃ ᓇᓗᓇᐃᒃᑯᑎᑖᖅᓯᒪᔪᖅ ᑕᕆᐅᕐᒥᐅᑕᓂᒃ ᐆᒪᔪᓕᕆᓂᕐᒥᒃ ᑖᕼᐊᐅᓯ ᓯᓚᑦᑐᖅᓴᕐᕕᒃᔪᐊᕐᒥᑦ ᐅᕙᓂ ᕼᐋᓕᕚᒃᔅ, ᓄᕙ ᓯᑰᓯᐊᒥ.

Taylor Hamm is committed to ensuring seamless operations and providing exceptional support to the Oceans North team. She has a breadth of expertise and experience in administration, as well as a passion for efficiency and implementing systems that create a simpler and more productive work environment. Taylor works to streamline processes and help campaigners achieve their goals. She is currently based in Victoria, British Columbia.

ᐱᓕᕆᑦᑎᐊᕈᓐᓇᕐᓗᓂ ᐊᕙᑎᑦᑕ ᐊᒃᑐᖅᑕᐅᓂᖓᓂᑦ ᖃᐅᔨᓴᖅᓯᓂᕐᒥᑦ ᐊᒻᒪᓗ ᐅᑭᐅᖅᑕᖅᑐᕐᒥ ᐆᒪᔪᕋᓛᖑᖃᑎᒋᒡᕕᐅᔪᒥᑦ, ᐊᒪᓐᑕ ᔪᐅᐃᓇᑦ ᐃᖃᓇᐃᔭᖃᑎᖃᓱᖑᒪᑦ ᐃᓄᐃᑦ ᓄᓇᓕᖏᓐᓂᑦ ᐊᒻᒪᓗ ᒐᕙᒪᒃᑯᓐᓂᑦ ᐊᑐᓕᖅᑎᑦᑎᓇᓱᐊᕐᓗᓂ ᐱᓕᕆᔾᔪᑕᐅᖏᓐᓇᕈᓐᓇᖅᑐᒥᑦ ᐃᒪᕕᖕᒥ ᐊᐅᓚᑦᑎᓂᕐᒥᑦ ᐱᓕᕆᒋᐊᕈᑎᓂᑦ. ᐱᓕᕆᐊᕆᖃᑦᑕᖅᓯᒪᔭᖏᑦ ᐆᒪᔪᓕᕆᔨᐅᓂᕐᒥ ᓇᖕᒥᓂᖁᑎᒥ ᐱᓕᕆᐊᖁᑎᒥ ᐊᒻᒪᓗ ᒐᕙᒪᑐᖃᒃᑯᓐᓂ ᑭᒃᑯᓕᒫᓂᑦ ᐱᔨᑦᓯᕈᑎᒥ, ᐊᐅᓚᑦᑎᔨᐅᓂᕐᒥᓄᑦ ᑮᓇᐅᔭᓕᐅᕋᓱᐊᖏᑦᑐᓂ ᐱᓕᕆᐊᖁᑎᒥ, ᐊᒻᒪᓗ 15 ᐊᕐᕌᖑᓂ ᐃᖃᓇᐃᔭᖅᓯᒪᓪᓗᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᓗᑦᑎᖅᓯᖕᒪᑦ ᐱᑦᑕᐃᓕᓕᖅᑎᑦᑎᖃᑦᑕᕐᓂᕐᒥᑦ ᐱᓕᕆᐊᖃᕐᓗᓂ ᐃᖃᓇᐃᔭᖓᓂ. ᐱᔪᓐᓇᖅᓯᓚᐅᖅᓯᒪᓪᓗᓂ ᐊᔪᖏᓛᑉ ᐃᓕᓴᓯᒪᓂᕐᒥᑦ ᓄᓇᕐᔪᐊᒥ ᐱᕙᓪᓕᐊᑎᑦᑎᓂᕐ ᐱᓕᕆᓂᕐᒥᑦ ᐊᒻᒪᓗ ᐱᔭᕇᒃᓯᓕᕆᓪᓗᓂ ᐃᓕᓴᕐᔪᐊᖅᓯᒪᓂᕐᒥᑦ Ph.D. ᓂᕿᒃᓴᖃᑦᑎᐊᕐᓂᕐᒥ ᐊᒻᒪᓗ ᐊᐅᓚᑦᑎᓂᕐᒥᑦ ᓯᓚᑦᑐᖅᓴᕐᕕᒡᔪᐊᖓᓂ ᐃᐊᑐᓘ. ᒫᓐᓇ ᐃᖃᓇᐃᔭᖅᑐᖅ ᐃᐊᑐᓘᒥ, ᐊᓐᑎᐅᕆᔪᒥ.

ᖃᐅᔨᒪᔨᑕᐅᓪᓗᓂ ᓄᓇᓕᖕᓂ−ᑐᙵᕕᖃᖅᑐᓂ ᖃᐅᔨᓴᐃᓂᕐᒧᑦ, ᔭᓂ ᓈᑉ ᐱᓕᕆᐊᖃᓲᖅ ᐱᓕᕆᐊᒃᓴᓂᑦ ᑐᕌᖓᔪᓂ ᐊᖑᓇᓱᓐᓂᕐᒧᑦ, ᐱᐅᖅᓱᐊᓂᕐᒧᑦ ᓇᐅᑦᑎᖅᓱᕐᓂᕐᒥᓪᓗ ᐃᓄᕕᐊᓗᖕᒥᑦ, ᕿᑎᕐᒥᐅᓂ ᓄᓇᕕᖕᒥᓪᓗ. ᐅᑭᐅᓄᑦ ᖁᓖᑦ ᐅᖓᑖᓄᑦ ᐱᓕᕆᓂᑰᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑲᑐᔾᔨᖃᑎᖃᕐᓂᒃᑯᑦ ᓄᓇᓕᐅᔪᓂ, ᓄᓇᓕᖕᓂ ᖃᐅᔨᒪᔨᑕᕐᓂ, ᑲᑐᔾᔨᖃᑎᒌᒃᑐᓂ ᐊᐅᓚᑦᑎᓂᕐᒧᑦ ᑲᑎᒪᔨᓂ, ᖃᐅᔨᓴᖅᑐᓂ, ᓄᓇᑖᓂᕐᒧᑦ ᑲᑐᔾᔨᖃᑎᒌᓂ ᐊᒻᒪ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂ. ᓘᒃᑖᖑᓂᕐᒧᑦ ᓇᓗᓇᐃᒃᑯᑕᖅᑖᕐᓂᑰᔪᖅ ᑐᕋᓐᑦ ᓯᓚᑦᑐᖅᓯᕐᕕᒡᔪᐊᒥ, ᖃᐅᔨᓴᓚᐅᖅᑐᖅ ᐃᓚᓕᐅᔾᔨᓂᕐᒥᑦ ᐃᓄᐃᓪᓗ ᖃᓪᓗᓈᓪᓗ ᖃᐅᔨᒪᔭᖏᓐᓂᒃ ᑐᑭᓯᐊᒪᓂᖅᓴᐅᓂᕐᒧᑦ ᓄᓇᓕᖕᓂ−ᑐᙵᕕᖃᖅᑐᓂ ᓇᐅᑦᑎᖅᓱᕐᓂᕐᒧᑦ ᓄᓇᓕᐅᔪᓂ ᓂᕿᒃᓴᕆᔭᐅᔪᓂ. ᐋᑐᐊ, ᐊᓐᑎᐅᕆᔫᑉ ᓯᓚᑖᓂᕐᒥᐅᑕᐅᔪᖅ.

ᒥᓕᔅᓴ ᑕᒪᐅᖓᖅᓯᒪᖕᒪᑦ ᑕᐅᕙᖔᕐᓗᓂ ᒦᒃᒫᑭ ᐊᕕᒃᓯᒪᓂᖓᓂᑦ ᐅᕙᙵᑦ ᑭᔅᐳᑯᐃᑦᒃᒥᑦ, ᐊᓈᓇᒋᔭᐅᖅᑰᔨᓗᓂ ᑲᓲᑎᓯᒪᓂᖓ ᑕᒪᐅᖓ ᐊᕕᒃᑐᖅᓯᒪᓂᖓᓄᑦ ᓯᒃᓂᒃᑦ. ᐱᓕᕆᓪᓚᕆᒃᑐᐋᓗᖕᒪᑦ ᐱᖅᑯᓯᒃᑯᑦ ᓄᓇᒥᐅᑕᓕᕆᓂᕐᒧᑦ ᖃᐅᔨᒪᓂᕐᒥᑦ, ᐱᓕᕆᑦᑎᐋᕈᓐᓇᕐᓂᖏᓐᓂᑦ ᐊᒻᒪᓗ ᐱᕕᐋᕐᓇᕐᓂᖏᓐᓂᑦ ᒪᒃᑯᖕᓂᓕᒫᒥᓂᑦ ᐅᑭᐅᖃᒃᑎᓪᓗᒍ, ᒥᓕᔅᓴ ᐃᖃᓇᐃᔭᖅᓯᒪᓕᕐᒪᑦ ᓄᓇᖃᖅᑳᖅᓯᒪᔪᓂ ᓴᐳᒻᒥᒃᓯᔨᐅᓂᕐᒥᑦ ᓴᓂᕌᓂᓪᓗᓂ ᐊᓯᖏᑕ ᖃᐅᔨᒪᔭᐅᓂᖅᓴᐅᓕᖁᓪᓗᒍ ᑕᒪᓐᓇ ᓯᓚᐅᑉ ᐊᓯᔾᔨᖅᐸᓪᓕᐋᓂᖓ ᐊᒻᒪᓗ ᐊᒃᑐᐄᓂᖃᓕᕐᓂᖓᓂᑦ ᐃᓕᖅᑯᓯᒃᑯᑦ ᐱᓕᕆᓂᐅᕙᒃᑐᓂᑦ ᐊᒻᒪᓗ ᐃᓘᓐᓇᓕᒫᖓᓂᑦ ᐃᓕᓴᕐᓇᕈᑎᖏᑕ ᑖᔅᓱᒪ ᐃᓅᖃᑎᖏᓐᓂ. ᖃᐅᔨᒪᔭᐅᔾᔪᑎᖃᕐᒪᑦ ᑭᓱᙳᐋᓕᐅᒃᑲᐅᓂᖓᓄᑦ ᐱᓕᕆᑦᑎᐋᕈᓐᓇᕐᓂᖃᕐᒪᑦ ᐊᒻᒪᓗ ᐃᓚᒋᔭᐅᓗᑎᒃ ᖃᐅᔨᒪᓂᖃᕐᒪᑦ ᐃᓕᖅᑯᓯᖏᓐᓂᑦ ᒦᒃᒪᖅ ᐃᓅᓕᓴᐅᑎᖏᓐᓂᑦ ᐊᒻᒪᓗ ᓇᐹᖅᑐᑉ ᖄᖏᓐᓂᒃ ᑲᓅᓕᐅᕈᓐᓇᕐᒪᑦ. ᒥᓕᔅᓴ ᐃᖃᓇᐃᔭᕐᕕᖃᓚᐅᕆᓪᓗᓂ ᓴᓇᔭᐅᓂᖓᓂᑦ ᑲᑎᐅᐄᑲᑎᒃ ᐊᒻᒪᓗ ᐴᑦᓚᖅᓃᑲᑎᒃ ᓄᓇᑐᐃᓐᓇᐅᓂᖓᓂᑦ, ᑕᐅᕙᓐᓇᓗ ᐋᖅᑭᒃᓱᖅᓯᒪᓂᓕᐅᖅᑕᐅᑎᓪᓗᒍ 2020−ᒥ. ᐃᓚᒋᔭᐅᒋᓪᓗᓂᓗ ᐊᑲᑎᐊ ᐊᓪᓚᓂᑦ ᐊᒻᒪᓗ ᓇᔪᒐᖃᐃᓐᓇᖅᖢᓂ ᑭᔅᐳᑯᐃᑦᒃᒥᑦ, ᑕᐅᕙᓂ ᐃᓅᕕᒋᓚᐅᖅᑕᖓᓂ ᐱᕈᒃᓴᓪᓗᓂᓗ, ᒪᕐᕈᓕᐋᖑᖃᑎᖓᓗ.

ᖃᐅᔨᒪᓂᖃᑦᑎᐊᖅᑐᓂ ᐃᑲᔪᕋᓱᐊᕐᓂᕐᒧᑦ ᐊᒻᒪ ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ, ᐹᓪ ᓚᕗᓐ ᒐᕙᒪᒃᑯᓐᓄᑦ ᐊᒻᒪ ᓄᓇᓕᖕᓄᑦ ᐃᑲᔪᕋᓱᐊᕐᓂᕐᒧᑦ ᐋᑐᐊᒥ, ᒫᓂᑑᐸᒥ ᐊᒻᒪ ᓄᓇᑦᓯᐊᕐᒥ. ᐃᓚᒋᔭᐅᓕᓚᐅᙱᑎᓪᓗᒍ ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ, ᐸᕐᓇᐃᓂᕐᒧᑦ ᐅᖃᐅᔾᔨᔨᐅᓚᐅᖅᑐᖅ ᒫᓂᑑᐸᐅᑉ ᒐᕙᒪᒃᑯᖏᓐᓄᑦ ᐊᒻᒪ ᒫᓂᑑᐸᐅᑉ ᐆᒻᒪᖅᑯᑎᓕᕆᔨᒃᑯᖏᓐᓄᑦ ᐊᕐᕌᒍᐃᑦ ᖁᓖᑦ ᐅᖓᑖᓄᑦ. ᑐᑭᓕᐅᕆᔨᐅᓚᐅᕐᒥᔪᖅ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᓄᑦ ᐊᑲᐅᙱᓕᐅᕈᑎᖃᓚᐅᙱᑎᓪᓗᒋᑦ ᐹᔅᓂᔭᒥ. ᐅᐃᓂᐸᒡᒥ ᐱᕈᖅᓴᓚᐅᖅᑐᖅ ᐊᔭᓂ ᐅᓄᖅᑐᓂ ᒪᒃᑯᒃᖢᓂ ᓯᓚᒃᑯᑦ ᐊᐅᓪᓚᐅᔾᔨᔨᐅᓪᓗᓂ ᑲᓅᒃᑯᑦ ᑕᓯᕐᒥ ᓇᐹᖅᑐᓕᖕᒥ ᐋᓐᑎᐅᕆᔫᑉ ᐅᐊᖕᓇᖓᓂ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᑲᓇᑕᐅᑉ ᖃᓄᐃᑦᑑᓂᑐᖃᖓᓄᑦ ᑯᐃᓐᔅ ᓯᓚᑦᑐᖅᓯᕐᕕᒡᔪᐊᒥ. ᑕᐅᕙᓃᑦᑐᖅ ᐅᐃᓂᐸᒡ, ᒫᓂᑑᐸᒥᑦ.

ᑰᑎᔅ ᐱᓕᕆᐊᖃᕐᓯᒪᔪᖅ ᑕᕆᐅᕐᒥᐅᑕᓕᕆᓂᕐᒥᒃ, ᓄᓇᐅᑉ ᖃᓄᐃᔾᔪᓯᖓᓂᒃ ᖃᐅᔨᓴᖅᑐᓕᕆᓂᕐᒥᒃ, ᑕᕆᐅᕐᒥᐅᑕᓕᕆᓂᕐᒥᒃ ᐊᐅᓚᑦᑎᓂᕐᒥᒃ ᐊᒻᒪᓗ ᑕᕆᐅᕐᒥᐅᑕᓕᕆᓂᖅ ᐊᓯᐊᒎᓕᖅᑎᓐᓇᓱᒃᖢᓂᐅᒃ ᓄᓇᒥᙶᖅᑐᓂᒃ ᐅᕐᓱᐊᓗᖕᒥ ᐊᑐᖃᑦᑕᕐᓂᕐᒥᒃ. ᐱᓕᕆᐊᖃᖅᖢᑎᒃ ᖁᕕᐊᒋᖕᒪᔾᔪᒃ ᒪᑯᐊ ᐃᓄᐃᑦ, ᑕᕆᐅᖅ ᐊᒻᒪᓗ ᓯᓚᐅᑉ ᖃᓄᐃᑉᐸᓪᓕᐊᓂᖓᓂᒃ ᐊᒻᒪᓗ ᓄᓇᓕᖕᓂ ᐊᔪᕈᓐᓃᖅᑎᑦᑎᔪᒪᓪᓗᑎᒃ ᐋᖅᑭᒃᓱᐃᔪᓐᓇᕐᓂᕐᒥᒃ ᓯᓚᒧᑦ ᖃᓄᐃᓕᐅᕈᑎᐅᔪᓐᓇᖅᑐᓂᒃ ᐊᒻᒪ ᓄᓇᓕᖕᓄᑦ ᐃᖅᑲᓇᐃᔭᕈᓐᓇᖅᓯᓗᑎᒃ. ᑰᑎᔅ ᐃᓕᓐᓂᐊᕌᓂᒃᓯᒪᔪᖅ ᓇᓗᓇᐃᒃᑯᑎᑖᕐᓯᒪᓪᓗᓂ ᓄᓇᒥ ᐊᒻᒪ ᑕᕆᐅᕐᒥ ᖃᐅᔨᓴᖅᑐᓕᕆᓂᕐᒧᑦ ᐊᒻᒪᓗ ᐆᒪᔪᓕᕆᓂᕐᒥᒃ ᐅᕙᙵᑦ ᓯᓚᑦᑐᖅᓴᕐᕕᐊᓗᒃ ᕕᒃᑑᕆᐊᒥ, ᐊᒻᒪᓗ ᐃᓕᓐᓂᐊᕌᓂᒃᓯᒪᓪᓗᓂ ᑕᕆᐅᕐᒥᐅᑕᓕᕆᓂᕐᒥᒃ ᐊᐅᓚᑦᑎᓂᕐᒥᒃ ᑖᕼᐊᐅᓯ ᓯᓚᑦᑐᖅᓴᕐᕕᐊᓗᒃᒥ. ᐅᕙᓃᑦᑐᑦ ᕼᐋᓕᕚᒃᔅ, ᓅᕙ ᓯᑰᓯᐊ.

ᐊᖑᓇᓱᐊᖅᑎᓚᕆᒃ ᑐᒃᑐᔮᖅᑐᕐᒥᐅᑕᖅ, ᓄᓇᑦᓯᐊᕐᒥ, ᔮᓐ ᓄᒃᓴᓇ ᓄᑲᖅᖠᖅ. ᐅᖃᐅᔨᒋᐊᖅᐳᖅ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐊᓯᕈᒃᑕᐅᑎᑦᑎᑕᐃᓕᒪᓂᒧᑦ ᓴᓇᔭᒃᓴᖁᑎᓂ ᐃᓄᕕᐊᓗᐃᑦ ᐊᖏᖃᑎᒋᒍᑎᖓᓂ ᐊᕕᒃᑐᖅᓯᒪᓂᕐᒥ (ISR) ᐊᒻᒪᓗ ᐃᓘᓐᓇᖓᓂ ᐅᑭᐅᖅᑕᖅᑑᑉ. ᐊᓂᒍᖅᑐᓂ 14 ᐊᕐᕌᖑᓂ, ᔮᓐ ᐃᖃᓇᐃᔭᓚᐅᕐᒪᑦ ᓯᕗᓕᖅᑎᐅᓂᕐᒥ ᐃᖃᓇᐃᔭᖃᕐᓗᓂ ᐆᒪᔪᓕᕆᓂᕐᒥ ᐊᐅᓚᑦᑎᔨᐅᖃᑕᐅᓗᓂ ᐱᓕᕆᔾᔪᑎ ᐋᖅᑭᒃᑕᐅᓯᒪᔪᒥ ᓄᓇᑖᕈᑎᓂ ᐊᖏᖃᑎᒋᒍᑎᓂ ᐅᑯᓇᖓᑦ ᐃᓄᕕᐊᓗᐃᑦ ᐊᖏᖃᑎᒋᒍᑎᖓᓂ ᐊᕕᒃᑐᖅᓯᒪᓂᕐᒥ (ISR). ᐃᖃᓇᐃᔭᖅᓯᒪᓪᓗᓂ ᐱᖓᓲᔪᖅᑐᓂ ᐊᕐᕌᖑᓂ ᐃᓄᕕᐊᓗᐃᑦ ᐃᓚᒋᔭᐅᔪᓂ ᐃᖃᓗᓕᕆᓂᕐᒥ ᑲᑐᔾᔨᓗᑎᒃ ᐊᐅᓚᑦᑎᓂᕐᒥ ᑲᑎᒪᔨᕋᓛᓂ, ᐃᓚᒋᔭᐅᓪᓗᓂ ᐅᖃᐅᓯᖅᑕᖓ ᑭᖑᕝᕕᐅᑎᓯᒪᓗᓂ ᐃᒃᓯᕙᐅᑕᕆᔭᐅᓗᓂ. ᔮᓐ ᓯᕗᓕᖅᓯᓚᐅᕐᒪᑦ ᐃᖃᓇᐃᔭᒥᓂ ᓄᓇᓕᖕᓂ ᐊᐅᓚᑦᑎᓂᕐᒥ ᖃᑯᖅᑕᑦ ᕿᓚᓗᒐᐃᑦ ᐊᖑᓇᓱᐊᖅᑕᐅᓂᖏᓐᓂ ᖃᐅᔨᒪᒋᐊᕐᓂᕐᒧᑦ ᐱᓕᕆᔾᔪᑎᓂ ᐊᒻᒪᓗ ᐃᒪᕐᔪᒃ ᖃᐅᔨᒪᒋᐊᖅᓯᓂᕐᒧᑦ ᐱᓕᕆᔾᔪᑎᒥ ᐃᓄᕕᒃ−ᑐᒃᑐᔭᖅᑐᖅ ᐊᖅᑯᑎᕐᔪᖓᓂ ᐊᒻᒪᓗ ᕿᒧᒃᓯᕈᑎ ᕿᒻᒥᖅ ᑕᓯᕐᓂ, ᐊᓯᒋᒐᓗᐊᕐᒥᑎᓪᓗᓂᒋᑦ ᐊᒥᓱᑦ ᐊᓯᖏᑦ ᓴᓇᔭᒃᓴᐃᑦ. ᑭᒡᒐᖅᑐᐃᓯᒪᓪᓗᓂ ᐃᓄᕕᐊᓗᖕᓂᑦ ᑲᓇᑕᓕᒫᒥ ᐊᒻᒪᓗ ᐊᓛᔅᑲᒥ, ᐃᓚᒋᔭᐅᓪᓗᓂ ᐱᔨᑦᓯᕐᓗᓂ ᐃᓚᒋᔭᐅᓂᕐᒥᓄᑦ ᐃᓄᕕᐊᓗᖕᓂᑦ ᐃᓄᑉᐱᐊᑦ ᖃᑯᖅᑕᑦ ᕿᓚᓗᒐᕋᓱᐊᕐᓂᖏᓐᓂ ᐱᓕᕆᖁᔨᔪᑎᓂ. ᔮᓐ ᐱᓯᒪᒃᓯᕐᒥᖕᒪᑦ ᐃᖃᓇᐃᔭᒥᑦ ᐱᖁᑎᓕᕆᓂᕐᒥ ᐊᐅᓚᑦᑎᓂᕐᒥᑦ ᐃᓄᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖑᖅᑎᑕᐅᓯᒪᔪᒧᑦ. ᔮᓐ ᑐᒃᑐᔭᖅᑐᕐᒥᐅᑕᐅᕗᖅ ᓄᓕᐊᖓᓗ ᕿᑐᖓᖏᓪᓗ ᐊᒻᒪᓗ ᐱᕕᖃᕋᓱᐊᓱᖑᓪᓗᓂ ᐊᑐᕐᓂᓕᒫᖓᓂ ᐊᕐᕌᒍ ᐊᖑᓇᓱᐊᖅᐸᒡᓗᓂ, ᐃᖃᓪᓕᐊᖅᐸᒡᓗᓂ ᐊᒻᒪᓗ ᓯᓂᒃᑕᕆᐊᖅᐸᒡᓗᓂ. ᐱᓗᐊᖑᐊᖅᑐᒥᑦ ᖁᕕᐊᒋᔭᖃᕐᒪᑦ ᐱᕕᖃᕐᓂᕐᒥᓂᑦ ᖃᓂᒋᔭᒥᓂ ᐃᒪᕐᔪᒃ (ᕿᒧᒃᓯᕈᑎ ᕿᒻᒥᖅ ᑕᓯᕐᒥ) ᓇᔪᒐᕐᒥ ᐅᐱᕐᖔᒃᑯᑦ ᐱᖃᑎᒋᓗᓂᒋᑦ ᐃᓚᓂ ᐊᒻᒪᓗ ᐱᖃᓐᓇᕆᔭᓂ.

Amy’s professional career has straddled the worlds of politics, industrial and climate policy development, federal-provincial relations, and protected-area creation, with a focus on parks co-managed by Indigenous peoples. Amy was most recently the Campaign Policy Director and Director of Policy and Legislative Services for Rachel Notley and the Alberta New Democratic Party. Before this, she was the Executive Director of Parks Operations at the Government of Alberta. Amy is based in Edmonton and grew up wearing an Oilers toque on the city’s Northside.

ᐋᓕᒃᔅ ᐆᒃᑐᕙᒃ ᓯᕗᒃᑲᖅᑕᖅᑎᐅᓪᓗᓂ ᐱᓕᕆᔨᐅᔪᖅ ᓂᕆᓄᑦ ᖃᐅᔨᓴᐃᓐᓇᕐᓂᕐᒧᑦ ᐱᓕᕆᐊᒥᑦ ᑕᐃᑲᓂ ᕿᙳᐊᓂᑦ. ᐃᑲᔪᖃᑦᑕᖅᓯᒪᔪᑦ ᐊᒥᓱᐊᖅᑎᖅᖢᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥᑦ ᐱᓕᕆᐊᖏᓐᓂᑦ ᐊᓂᒍᖅᑐᓂᑦ ᐊᕐᕌᒍᓂᑦ, ᒪᑯᓂᖓ ᐋᖅᑭᒃᓱᐃᓪᓗᓂ ᐊᑯᓚᐃᓕᕇᓂᒃ ᐊᔾᔨᓕᐅᖅᑎᓲᓂᑦ ᐊᔾᔨᓕᐅᕆᓂᕐᓂᒃ ᑕᕆᐅᑉ-ᓯᑯᖓᑕ ᖃᓄᐃᓕᖓᓂᖓᓂᒃ ᒪᓕᒃᖢᑎᒃ ᐅᑭᐅᖅᑕᖅᑐᒥᑦ ᕿᓚᓗᒐᐃᑦ ᑎᑭᑉᐸᒍᓯᖏᓐᓄᑦ ᐊᐅᓪᓚᖅᐸᒍᓯᓂᖏᓐᓄᑦ. ᐋᓕᒃᔅ ᓄᓇᓕᖕᓂᑦ ᑎᓕᔭᐅᓯᒪᓚᐅᖅᑐᖅ ᑕᐃᑲᓂ ᐅᑭᐅᖅᑕᖅᑐᒥᑦ ᐃᒫᓂᑦ ᐊᐅᒃᑲᕐᓂᕐᓄᑦ ᐃᓕᓐᓂᐊᕐᓂᕐᒥᑦ, ᓄᓇᓕᖕᓂᑦ ᐃᓚᒋᔭᐅᔪᑦ ᐅᑭᐅᖅᑕᖅᑐᖓᓂᑦ ᓄᓇᕘᑉ ᐊᒻᒪᓗ ᐊᑯᑭᑦᑐᑦ ᐋᖅᑭᒃᓯᓯᒪᓚᐅᕐᒪᑕ ᐋᖅᑭᒃᓯᒪᓂᖓᑦ ᑖᒃᑯᓄᖓ ᑕᕆᐅᒥᑦ ᓴᐳᔾᔭᐅᓯᒪᔪᓄᑦ ᑕᐅᕙᓂ ᐃᓂᒥᑦ. ᐊᖑᓇᓱᓕᒪᓪᓗᓂ ᐊᒻᒪᓗ ᐃᒐᓯᐅᑎᓄᑦ ᓱᕋᒃᓯᒪᔪᓕᕆᔨᐅᓕᒪᓪᓗᓂ, ᐋᓕᒃᔅ ᐃᒃᐱᒋᔭᐅᑦᑎᐊᖅᑐᖅ ᐊᓐᓇᐅᒪᔪᓐᓇᕐᒧᑦ ᐊᔪᙱᓐᓂᖓᓂᒃ ᐊᒻᒪᓗ ᐃᓱᒪᒐᔾᔫᓂᖓᓄᑦ; ᐋᖅᑭᒃᓯᓚᐅᖅᓯᒪᔪᖅ ᓄᖃᖅᓯᕋᕐᓂᒃ ᓯᕗᓂᕐᓃᑦᑐᓂ ᖃᒧᑕᐅᔭᒧᑦ ᕿᓚᒃᓱᖅᖢᓂᐅᒃ ᑐᒃᑑᑉ ᓂᐅᖓᑕ ᓴᐅᓂᖓ ᑭᖑᕖᑎᓪᓗᓂᐅᒃ ᓱᕋᒃᓯᒪᔪᒧᑦ ᐊᖁᑦᑐᓐᓇᐅᑎᒧᑦ. ᓄᓇᖃᖅᑐᖅ ᒥᑦᑎᒪᑕᓕᖕᒥᑦ, ᓄᓇᕘᒥᑦ.

ᓯᑦ ᐸᐃᓐ ᐱᔭᐅᔪᓐᓇᖅᓯᑎᑦᑎᖕᒪᑦ ᐊᔾᔨᒌᖏᑦᑐᓂᑦ ᐱᓕᕆᔪᓐᓇᕐᓂᕐᓂᑦ ᐃᖃᓇᐃᔮᒥᓄᑦ ᐅᑭᐅᖅᑕᖅᑐᕐᒥ ᓴᓇᔭᒃᓴᓂ ᑐᑭᒧᐊᒃᑎᑦᑎᔨᐅᓂᕐᒥᓂ ᓄᓇᑦᓯᐊᕗᒻᒥ. ᐃᖃᓇᐃᔮᕆᖃᑦᑕᖅᓯᒪᔭᖏᑦ ᐃᓚᖃᕐᒪᑕ ᐅᖓᓯᒋᔭᐅᔪᒥ ᐋᓐᓂᐊᓱᖅᑎᐅᓪᓗᓂ, ᕿᓂᖅᑎᐅᖃᑕᐅᓯᒪᓪᓗᓂ, ᖃᑦᑎᕆᔨᐅᖃᑕᐅᓯᒪᓪᓗᓂ, ᐊᖅᑲᐅᒪᖃᑦᑕᕐᓂᕐᒥ ᐊᒻᒪᓗ ᐱᓕᕆᐊᖁᑎ ᓇᖕᒥᓂᕆᔭᐅᒥ ᐊᐅᓚᑦᑎᓂᕐᒥᑦ. ᑕᐅᕙᙶᕐᓂᑯᓪᓚᕆᐅᓪᓗᓂ ᐋᔅᑐᕆᓕᐊᒻᒥᑦ, ᓯᑦ ᓅᓚᐅᕐᒪᑦ ᓄᓇᑦᓯᐊᕘᒧᑦ ᐱᒋᐊᓕᕋᑖᖅᑎᓗᒋᑦ 1990-ᖏᑦ. ᐱᔾᔪᑎᒋᓪᓗᒍ ᖁᕕᐃᒋᔭᖃᓂᖓ ᐃᒪᕕᖕᒥᑦ, ᐋᖅᑭᒃᓱᐃᓚᐅᕐᒪᑦ ᓇᖕᒥᓂᕆᓪᓗᒍ ᓴᓇᕕᖁᑎᒥᒃ, ᐱᔭᒃᓴᐅᓕᖅᑎᑦᑎᓪᓗᓂ ᑮᓇᐅᔭᓕᐅᕋᓱᐊᕐᓗᓂ ᐊᒻᒪᓗ ᐊᕙᑎᓕᕆᓂᕐᒥ ᐊᖃᐅᒪᖃᑦᑕᕐᓂᕐᒧᑦ ᐱᔨᑦᑎᕈᑎᓂᒃ ᐊᒡᒍᐊᓂ ᓛᐸᑐᐊᑉ ᐱᔨᑦᓯᖅᑕᐅᕙᒃᑐᓄᑦ. ᒫᓐᓇᕋᑖᖅ ᐃᖃᓚᐃᔭᓚᐅᖅᓯᒪᔪᖅ ᑕᓯᐅᔭᕐᔪᐊᑉ ᐅᔭᕋᒡᓂᐊᕐᕕᖓᓂ, ᑕᐃᑲᓂ ᑐᐊᕕᕐᓇᖅᓯᔪᖃᕐᓂᖅᐸᑦ ᐅᐸᓗᖓᐃᖅᓯᒪᖃᑕᐅᓪᓗᓂ ᐊᒻᒪᓗ ᐊᓐᓂᐊᓯᐅᖅᑎᐅᓂᕐᒧᑦ ᐱᔨᑦᓯᕈᑎᓂ ᖃᐅᔨᒪᒋᐊᖅᓯᔨᐅᓪᓗᓂ. ᓯᑦ ᐃᖃᓇᐃᔭᕐᕕᖃᒃᐳᖅ ᓇᐃᓐᒥ, ᓄᓇᑦᓯᐊᕗᑦᒥ.

ᔨᐊᒪ ᕇᓇᕐ ᐳᐃᔨᓕᕆᓂᕐᒧᑦ ᐆᒪᔪᓕᕆᔨ ᖃᐅᔨᒪᓂᖃᖅᑐᑦ ᐊᓐᓇᑦᑐᐃᓂᕐᒥᑦ ᐃᖃᓗᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᐃᒪᕐᒥᐅᑕᓂᒃ. ᐱᕆᓕᕆᐊᖏᑦ ᐊᐅᓪᓗᔾᔨᔪᑦ ᐊᖅᑭᒃᓯᒋᐊᒃᑲᓐᓂᕐᓂᕐᒥᑦ ᐊᓪᓚᓐᑎᒃ ᐃᖃᓗᖏᓐᓂᒃ ᖃᓄᑎᒋ ᐅᓄᕐᓂᖃᓕᕐᓂᖏᑦᑕ ᐊᒻᒪᓗ ᐅᖃᐅᔾᔪᐃᔨᐅᓪᓗᓂ ᐅᐃᔨᑦ ᐊᓐᓇᒃᑐᖅᑕᐅᔪᓐᓇᕐᓂᖏᓐᓄᑦ. ᓯᕗᓂᐊᓂ ᐃᓚᓕᐅᑎᓚᐅᕋᓂ ᐃᒫᓗᐃᑦ ᐅᑭᖅᑕᖅᑐᒥᑦᒪ ᔨᐊᒪ ᐃᖅᑲᓇᐃᔭᓚᐅᖅᑐᖅ ᐅᑯᓇᓂ ᐊᕙᑎᓕᕆᓂᕐᒧᑦ ᖃᐅᔨᒪᔨᑕᐅᓂᕐᒥᑦ ᑎᓕᔭᐅᓯᒪᓪᓗᓂ, ᐃᖃᓗᖕᓂᑦ ᓂᐅᕕᐊᒃᓴᖃᖃᑦᑕᖅᑐᓄᑦ, ᐃᒪᕐᒥᐅᑕᐃᑦ ᐳᐃᔨᑦ ᖃᓄᐃᖏᒃᑲᓗᐊᕐᒪᖔᑕ, ᐊᒻᒪᓗ ᐊᖅᑭᐅᒪᔪᓂᒃ ᖃᐅᔨᓴᖅᐸᖕᓂᖅ ᐊᑲᐃᓕᐅᕈᑕᐅᔪᓂᒃ ᐊᖅᑭᓯᓇᓱᒃᑎᐅᓪᓗᓂ. ᔨᐊᒪ ᐃᓕᓐᓂᐊᖅᓯᒪᔪᑦ ᖃᐅᔨᓴᖅᑎᐅᓂᕐᒥᑦ ᐱᕙᓪᓕᐊᓂᐅᔪᓂᒃ ᐃᒪᕐᒥᐅᑕᓂᒃ ᑕᐃᑲᓂ ᒧᒥᐊᕆᐊᕆᔭ ᓯᓚᑦᑐᖅᓴᕐᕕᐊᓂ ᓄᕙᓐᓛᒥ ᐊᒻᒪ ᓛᐸᑐᐊᒥ ᐊᒻᒪᓗ ᐃᓕᓐᓂᐊᖅᓯᒪᓂᖃᖅᑐᑦ ᖁᑦᑎᒃᑐᓂᒃ ᐊᒃᑐᐊᔪᑦ ᐳᐃᔨᓕᕆᓂᕐᒧᑦ ᑕᕆᐅᒥ ᐆᒪᔪᓕᕆᔨᐅᓂᕐᒥᑦ ᐅᑯᓇᖓ Bangor ᓯᓚᑦᑐᖅᓴᕐᕕᐊᓂᑦ. ᓄᓇᖃᖅᓯᒪᔪᑐᖃᐅᓯᒪᔪᑦᑎ ᐃᖓᓚᒥ. ᒫᓐᓇ ᓄᓇᖃᖅᑐᖅ Hᐊᓚᕙᔅᒃ−ᒥ, ᓅᕙᑰᓴ.

ᐱᓕᕆᓕᒪᓪᓗᓂ ᐃᖃᓗᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪᓗ ᐊᑐᐊᒐᖏᓐᓂᒃ, ᑮᑦ ᔅᓕᑦ ᑐᕌᒐᓕᒃ ᐋᖅᑭᒃᓱᐃᒃᑲᓐᓂᕐᓂᕐᒥᒃ ᐃᖃᓗᐃᑦ ᐅᓄᕐᓂᖏᓐᓂᒃ ᐃᓱᒪᒋᓪᓗᒋᓪᓗ ᐱᔭᐅᔪᒪᓂᖏᓐᓄᑦ ᐃᓄᓄᑦ ᐊᒻᒪᓗ ᐆᒪᓂᖃᕐᕕᐅᕙᒃᑐᓄᑦ. ᑮᑦ ᐃᖅᑲᓇᐃᔭᖃᑦᑕᖅᓯᒪᔪᖅ ᒐᕙᒪᐅᙱᑦᑐᓄᑦ ᑎᒥᐅᔪᓄᑦ ᐊᒻᒪᓗ ᐃᓄᖕᓄᑦ ᐱᔨᑦᑎᕋᖅᑐᓄᑦ ᐊᕐᕌᒍᑦ ᖁᓕᑦ ᐊᓂᒍᖅᑐᓂᑦ, ᐱᓕᕆᖃᑎᖃᖅᖢᓂ ᒐᕙᒪᒃᑯᓐᓂᑦ, ᐃᖃᓗᒐᓱᒃᑎᓂᒃ, ᑭᒡᓕᓯᓂᐊᖅᑎᓂᒃ ᐊᒻᒪᓗ ᐃᓄᓕᒫᓂᒃ ᑕᕆᐅᑉ ᑲᒪᒋᔭᐅᑦᑎᐊᕐᓂᖓᓄᑦ ᐊᒻᒪᓗ ᓱᕋᐅᔭᐃᓗᐊᖅᑕᐃᓕᒪᓂᕐᒧᑦ ᐊᐅᓚᑦᑎᔾᔪᑎᓂᒃ. ᐃᓚᒋᔭᐅᓚᐅᕐᓇᓂ ᓱᓕ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ, ᓯᕗᒃᑲᖅᑕᓚᐅᖅᑐᖅ ᑕᕆᐅᒥᑦ ᐱᔾᔪᑎᓕᖕᓄᑦ ᓂᓪᓕᐊᓂᕐᒥᒃ ᑕᐃᑲᓂ ᐆᒪᓂᓕᖕᓄᑦ ᐱᓕᕆᐊᑦ ᐃᒡᓗᐊᓗᖓᓂᑦ ᐊᒻᒪᓗ ᐃᖅᑲᓇᐃᔭᕐᓂᑰᓪᓗᓂ ᐱᐅ ᑮᓐᓇᐅᔾᔭᒃᓴᓇᓱᐊᙱᑦᑐᓄᑦ ᐱᓕᕆᔪᑦ ᐊᒻᒪᓗ ᐊᒥᐊᓕᒃᑲᓂ ᓴᐃᒪᖃᑎᒌᖕᓂᕐᒧᑦ ᐱᓕᕆᔪᓂᑦ. ᐃᓕᓐᓂᐊᖅᓯᒪᔪᖅ ᖁᑦᑎᖕᓂᖅᐹᒥᑦ ᐃᓕᓴᕆᔭᐅᔾᔪᑎᖃᖅᖢᓂ ᑕᕆᐅᓕᕆᓂᕐᒥᑦ ᓯᓚᑦᑐᖅᓴᕐᕕᒡᔪᐊᖓᓂᑦ ᕗᐊᓯᖕᑕᓐ ᑕᐃᑲᓂᓗ ᖃᐅᔨᓴᕐᓂᖓ ᐃᓚᐅᑎᑦᑎᓚᐅᖅᑐᖅ ᐱᓕᕆᖃᑎᖃᖅᖢᓂ ᓄᓇᓕᖕᓂᑦ ᕕᓕᐲᓐᓯᒥᑦ ᐋᖅᑭᒃᓱᐃᓪᓗᓂ ᐃᒪᖁᑏᑦ ᐃᓂᐅᔪᑦ ᓴᐳᑎᔭᐅᓯᒪᔪᑦ ᐊᐅᓚᑦᑎᔾᔪᑎᒃᓴᓄᑦ ᐸᕐᓇᐅᑎᓂᒃ. ᕼᐊᓕᕚᒃᔅᒥᑦ ᑎᑎᕋᕐᕕᖃᖅᑐᖅ.

Clayton brings a wealth of experience as a researcher, wildlife monitor and manager to his role as Oceans North’s Arctic Advisor. Whether engaging in the Nunavut Land Use Plan or working to understand how climate change is affecting Arctic species, his work has centred around the importance of incorporating the perspective, knowledge and values of Inuit communities into science and conservation. A trained pilot, Clayton likes to get up in the air and out on the land when he’s not working. He lives in Rankin Inlet, Nunavut.

ᐊᓕᒃᔅ ᑎᓱᕐ ᐊᔪᕈᓐᓃᖅᓴᑎᑕᐅᔾᔪᑎᖓ ᐱᕙᓪᓕᐊᔪᓂᒃ ᑎᑎᖃᒃᑎᐅᓂᕐᒧᑦ ᐊᒻᒪᓗ ᐃᒪᕕᖕᒥ ᐊᑐᐊᒐᕐᓂᒃ ᐃᑲᔪᖅᓱᐃᔨᐅᓪᓗᓂ ᐊᒻᒪᓗ ᑐᓴᖅᑕᐅᑎᑦᑎᕙᒃᖢᓂ ᐃᖃᓇᐃᔭᕆᔭᒥᓂᒃ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᕐᒥ. ᖁᕕᐊᒋᔭᓕᒃ ᖃᐅᔨᓇᓱᐊᕐᓂᕐᒥᒃ ᐊᒻᒪᓗ ᓴᓇᓗᓂ ᐱᔪᒥᓇᕆᔭᐅᔪᒪᕆᐊᓗᖕᒥᒃ, ᖃᐅᔨᓇᓱᐊᕐᓂᕐᒥᒃ ᐅᓂᒃᑳᖅᓯᒪᔪᑦ ᐃᒪᕕᓕᕆᓪᓗᑎᒃ ᐊᒻᒪᓗ ᑕᐃᒃᑯᓂᖓ ᐃᓄᖃᑎᒋᓂᒃ ᑕᑎᖃᒃᑐᓂᒃ ᑕᒪᑐᒥᖓ. ᐃᓚᒋᔭᐅᓕᓚᐅᖅᑎᓐᓇᒍ ᑕᕆᐅᕐᔪᐊᓕᕆᔨᒃᑯᓐᓄᑦ ᐅᑭᐅᖅᑕᖅᑐᕐᒥ, ᐊᓕᒃᔅ ᐃᖃᓇᐃᔭᓚᐅᕐᒪᑦ ᑎᑎᕋᒃᑎᐅᓪᓗᓂ ᐊᒻᒪᓗ ᐱᕙᓪᓕᐊᔪᓕᕆᓯᒪᔪᓕᕆᔨᐅᓪᓗᓂ ᑐᕌᓐᑐᒥ. ᐃᖃᓇᐃᔭᕆᖃᑦᑕᖅᓯᒪᔭᖏᑦ ᐅᖃᓕᒫᒐᓕᐊᖑᓯᒪᔪᑦ ᒪᑯᓇᓂ The Walrus (ᐊᐃᕖᑦ), Nautilus (ᓇᐅᑎᓗᔅ) ᐊᒻᒪᓗ Canadian Encyclopedia (ᑲᓇᑕᒥ ᑐᓴᐅᒪᔪᑎᓕᕆᓯᒪᔪᓂ), ᐊᓯᒃᑲᓐᓂᕆᓘᔭᖏᓐᓂᓗ. ᐱᔪᓐᓇᖅᓯᓐᓂᕐᒥᔪᖅ ᐊᔪᖏᓐᓂᖅᐸᖑᓗᓂ ᓇᓗᓇᐃᑕᐅᔪᑎᒥ ᐃᒪᕕᖕᒥ ᐊᐅᓚᑦᑎᓂᕐᒥ ᑕᐃᑲᙵᑦ Dalhousie University (ᑕᓪᕼᐅᓯ ᓯᓚᑦᑐᖅᓴᕐᕕᒡᔪᐊᖓᓂᑦ), ᑕᐃᑲᖓᑦ ᐃᓕᓴᕕᒋᓚᐅᖅᑕᖓᓂᑦ ᖃᓄᐃᓘᖃᑎᒌᒡᓂᖏᓐᓂᒃ ᑕᒪᒃᑯᐊ ᖃᐅᔨᓇᓱᐊᖅᑎᑦ ᐊᒻᒪᓗ ᐃᓅᖃᑎᒋᑦ. ᐃᖃᓇᐃᔭᖅᑐᖅ ᕼᐅᓕᐸᒃᔅᒥ, ᓄᕙ ᓯᑰᓴᒥ.

ᑕᐅᑐᓪᓗᐊᑕᖅᖢᑎᒃ ᑕᕆᐅᒥ ᓴᐳᔾᔭᐅᓯᒪᔪᓂᒃ ᐊᑦᓛᓐᑎᒃ ᐃᒪᕕᖓᓂ ᐊᒻᒪᓗ ᐅᑭᐅᖅᑕᖅᑐᒥ, ᑳᓖᓐ ᑑᓘ ᐱᓕᕆᓲᖅ ᓄᓇᓖᑦ ᐊᒻᒪᓗ ᑎᒥᐅᔪᑦ ᐃᑲᔪᖅᓱᐃᔪᑦ ᐃᓚᐅᖅᑎᐊᕋᓗᐊᕐᒪᖔᑕ ᐱᓕᕆᕙᓪᓕᐊᓂᓕᒫᖏᓐᓂᑦ. ᑲᐅᔨᒪᓂᖃᓪᓚᕆᒃᖢᓂ ᐊᒻᒪᓗ ᐱᓕᕆᓕᒪᓪᓗᓂ ᑲᔪᓯᑦᑎᐊᖏᓐᓇᖅᑐᒥᒃ ᐃᒪᕐᒥᐅᑕᓂᒃ ᓂᐅᕐᕈᑎᖃᖃᑦᑕᕐᓂᕐᒧᑦ ᐱᓕᕆᐊᒃᓴᓂᒃ. ᑳᓖᓐ ᓂᕈᐊᕆᔭᖃᖅᓯᒪᔪᖅ ᐃᖅᑲᓇᐃᔮᒥᑦ ᑕᕆᐅᒥ ᐱᓕᕆᐊᖃᑦᑎᐊᕐᓂᕐᒥᒃ ᐃᓚᐅᓪᓗᑎᒃ ᒐᕙᒪᑐᖃᒃᑯᑦ ᐊᑐᐊᒐᖏᓐᓂᒃ ᐊᒃᑐᐊᔪᓂᒃ ᐱᓕᕆᓂᖏᑦ ᐃᒪᕐᒥᐅᑕᓂᒃ ᓂᐅᕐᕈᓯᕐᓃᑦ ᐊᒻᒪᓗ ᐃᖃᓗᓕᕆᓂᕐᒧᑦ ᐊᐅᓚᑦᑎᓃᑦ, ᐃᓕᓐᓂᐊᖅᑎᑦᑎᓂᖅ ᓯᓚᖅᑐᖅᓴᕐᕕᖕᒥ ᐃᓕᓐᓂᐊᒐᒃᓴᓂᒃ, ᖃᐅᔨᓴᐃᓂᖅ ᑕᕆᐅᒥ ᐊᑐᕐᓂᐅᖃᑦᑕᖅᑐᑦ ᐱᓕᕆᓂᐅᖃᑦᑕᖅᑐᑦ ᐸᕐᓇᒃᑕᐅᑎᓪᓗᒋᑦ ᐊᒻᒪᓗ ᐋᖅᑭᒃᓱᐃᓂᖅ ᓄᓇᓕᖕᓂ ᐱᓕᕆᖃᑎᖃᕐᓃᑦ. ᖁᑦᑎᓛᒥᒃ ᐃᓕᓴᕆᔭᐅᔾᔪᑎᑖᖅᓯᒪᔪᖅ ᑕᕆᐅᒥ ᐊᓚᑦᑎᓂᓕᕆᓂᕐᒧᑦ ᑎᐅᕼᐊᐅᓯ ᓯᓚᑦᑐᖅᓴᕐᕕᒡᔪᐊᖓᓂ. ᑳᓖᓐ ᕼᐊᓕᕚᒃᓯᒥ ᑎᑎᕋᕐᕕᖃᖅᖢᓂ ᐱᓕᕆᔪᖅ.

ᑕᕆᐅᑉ ᐃᖅᑲᖓᓂ ᓄᓇᓕᕆᔨᐅᓪᓗᓂ, ᒪᓕᓴ ᑑᓄ ᐱᓕᕆᐊᖃᖅᐸᒃᑐᖅ ᑲᑎᑕᐅᕙᓪᓕᐊᔪᓂᒃ ᖃᐅᔨᓴᖅᐸᒃᖢᓂ ᐊᒻᒪ ᐋᖅᑭᒃᓱᐃᕙᒃᖢᓂ ᓄᓇᙳᐊᓕᕆᓂᕐᒧᑦ ᐱᖁᑎᓂᒃ ᑕᕆᐅᕐᒥᐅᑕᓕᕆᔨᒃᑯᑦ ᐅᐊᖕᓇᒥ ᐱᓕᕆᐊᖓᓂᒃ ᐅᑭᐅᕐᑕᖅᑐᕐᒥ ᐅᖓᑖᓄᓪᓗ. ᐱᓕᕆᔪᓐᓇᖅᓯᓯᒪᔪᖅ ᐊᕐᕌᒍᒐᓴᖕᓂᒃ GIS ᐱᔨᑦᑎᕋᐅᑎᓂᒃ ᐱᓕᕆᐊᖃᖅᖢᓂ ᓄᓇᖃᖅᑳᖅᑐᓄᑦ ᒫᓂᑑᐸᐅᑉ ᐅᐊᖕᓇᖅᐸᓯᐊᓂᒃ ᐊᒻᒪ ᐱᖓᖕᓇᖅᐸᓯᐊᓄᑦ ᐋᓐᑎᐅᕆᐅ ᐊᐅᓚᑦᑎᔨᐅᓂᖓᒍᑦ GIS-ᑯᓐᓂ ᐃᖅᑯᓯᑐᖃᒃᑯᑦ ᖃᐅᔨᒪᔭᐅᔪᓂᒃ ᐱᓕᕆᐊᖃᕐᓂᖓᓄᑦ, ᓄᓇᐅᑉ ᐊᑐᖅᑕᐅᓂᐊᕐᓂᖓᓄᑦ, ᐊᒻᒪ ᐃᓂᒋᔭᐅᔪᓂᒃ ᖃᐅᔨᓴᖃᑦᑕᕐᓂᕐᒥᒃ, ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᖃᐅᔨᓴᕐᓂᕐᒥᒃ ᐊᒻᒪ ᐊᕙᑎᓕᕆᓂᕐᒧᑦ ᐊᒃᑐᐃᔪᓐᓇᖅᑐᓂᒃ ᖃᐅᔨᓴᕐᓂᕐᒥᒃ. ᐃᓕᓐᓂᐊᕌᓂᔾᔪᑎᖃᓚᐅᕐᓯᒪᔪᖅ ᓄᓇᓕᕆᓂᕐᒥᒃ ᓯᓚᑦᑐᖅᓴᕐᕕᐊᓗᒃᒥ ᒫᓂᑑᐸᒥ, ᑕᕝᕙᓂᓗ ᓄᓇᓕᕆᓂᕐᒥᒃ ᐊᕙᑎᒋᔭᐅᔪᖅ ᐊᓯᔾᔨᖅᐸᓪᓕᐊᓂᖓᓂᒃ ᐊᒻᒪᓗ ᐱᓕᕆᐊᖃᕈᓐᓇᕐᓯᓂᕐᒥᒃ ᓄᓇᓕᕆᓂᕐᒥᒃ ᑐᓴᐅᒪᔾᔪᑎᒋᔭᐅᔪᓂᒃ. ᐅᕙᓃᑦᑐᖅ ᐅᐃᓂᐱᒡ, ᒫᓂᑑᐸ.

ᐃᒪᕐᒥᐅᑕᓂᑦ ᐳᐃᔨᓕᕆᔨᒻᒪᕆᐅᓪᓗᓂ, ᑯᕆᔅᑎᓐ ᐅᐊᔅᑕᓪ ᐱᓕᕆᓯᒪᖕᒪᕆᒃᑐᖅ ᖃᐅᔨᓴᕐᓂᕐᒥᑦ ᑑᒑᓕᖕᓂᒃ, ᖃᐅᓪᓗᖅᑕᐅᓂ ᕿᓚᓗᒐᕐᓂᒃ ᐊᒻᒪ ᐋᕐᓗᖕᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑲᓇᖕᓇᒥ, ᐃᓚᒋᖃᖅᖢᓂᒡᓗ ᑲᑐᔾᔨᖃᑎᖃᕐᓂᕐᒥᑦ ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ. ᓇᖕᒥᓂᖁᑎᖃᓚᐅᕐᒥᔪᖅ ᐊᐅᓚᑦᑎᓪᓗᓂᓗ ᖃᔭᖅᑐᓂᕐᒧᑦ ᐊᐅᓚᑦᑎᕕᖕᒥ ᑲᖏᖅᓱᐊᓘᑉ ᐃᓗᐊᓂ 2001-ᒥᑦ 2005-ᒧᑦ ᖁᙱᐊᕆᐊᕙᒃᖢᑎᒃ ᖃᑯᖅᑕᓂ ᕿᓚᓗᒐᕐᓂᒃ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ ᒫᓂᑑᐸᐅᑉ ᓯᓚᑦᑐᖅᓯᕐᕕᒡᔪᐊᒥ, ᖃᐅᔨᓴᓚᐅᖅᑐᖅ ᐊᖅᑲᐅᒪᕙᖕᓂᖏᓪᓗ ᑑᒑᓕᐅᔪᑦ ᑲᖏᖅᓱᐊᓘᑉ ᐃᓗᐊᓂ ᐅᐊᖕᓇᖓᓂ. ᒫᓐᓇᐅᔪᖅ ᓘᒃᑖᖑᓂᕐᒧᑦ ᐱᓕᕆᐊᖃᖅᑐᖅ ᑐᙵᕕᖃᖅᖢᓂ ᐅᐃᓂᐱᒡ, ᒫᓂᑑᐸᒥ.

ᓰᓐ ᔭᖕ ᐱᐅᒃᓴᕐᒪᑦ ᐊᑐᕆᐋᒃᓴᖅ ᖃᐅᔨᒪᓇᕈᑎᒥᓂᑦ ᐱᕙᓪᓕᐋᔪᓕᕆᔨᐅᓂᕐᒥᑦ ᐊᒻᒪᓗ ᑐᓴᐅᒪᖃᑎᒌᒍᑎᓂᒃ ᑐᑭᓯᔭᕐᓂᖏᑦᑐᓂᑦ ᑐᑭᓯᓇᖅᓯᑎᑦᑎᐋᓱᖑᖕᒪᑦ. ᑖᔅᓱᒪ ᐃᖃᓇᐃᔮᕆᓚᐅᖅᑕᒥᓄᑦ ᒥᕐᖑᐃᖅᓯᕐᕕᒃ ᑲᓇᑕᒥ ᐃᒃᐱᒍᓱᑦᑎᐋᓕᕈᑎᒋᓚᐅᕐᒪᒍ ᓄᖑᑕᐅᑎᑦᑎᑕᐅᓕᒪᓂᕐᒥᒃ ᐃᓅᖃᑎᒋᑦ ᑕᐅᑐᒍᓯᖓᒍ, ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒥᒃ ᐱᓕᕆᓯᒪᓕᕐᓂᕐᒥᓄᑦ ᐃᑲᔪᕐᓂᖃᖅᖢᓂ ᑖᔅᓱᒪ ᐊᑐᕈᒥᓇᖅᓯᑎᑦᑎᓪᓗᓂ ᑐᓴᖅᑕᐅᑎᑦᑎᓇᓱᐋᖅᑕᖓᒍᑦ. ᑖᓐᓇ ᐱᓯᒪᖕᒪᑦ ᐊᔪᖏᓛᑉ ᐃᓕᓐᓂᐋᖅᓯᒪᓂᖃᕐᓗᓂ ᐱᕙᓪᓕᐊᔪᓕᕆᔨᐅᓂᕐᒥ ᑕᐃᑲᙶᖅᑐᖅ ᑐᕌᓐᑐ ᒥᑐᕈᓪᐸᓕᑕᓐ ᓯᓚᑦᑐᖅᓴᕐᕕᒡᔪᐊᖓᓂᑦ, ᐊᒻᒪᓗ ᓯᕗᓂᖓᒍᑦ ᐃᓚᐅᓕᓚᐅᑎᓐᓇᒍ ᐃᒫᓗᒃ ᑐᓄᕕᐊᖅᒧᑦ ᐃᖃᓇᐃᔮᖃᓚᐅᖅᖢᓂ The Walrus (ᐊᐃᕕᕐᓂᑦ), ᓰᐱᓰᒃᑯᓐᓂ ᐊᒻᒪᓗ Xtra Magazine (ᐊᒃᓱᐋᓗᖅᑐᖅ ᕿᒥᕐᕈᐋᖓᓕᐅᕐᓂᕐᒥ). ᑕᐅᕙᓂᒥᐅᑕᑐᖃᐅᓪᓗᓂ ᐳᕆᓐᔅ ᐃᐊᑦᐅᐊᑦ ᕿᑭᖅᑕᖓᓂᑦ, ᐃᖃᓇᐃᔭᖅᑎᑕᐅᓪᓗᓂ ᑐᕌᓐᑐᒥᑦ, ᐋᓐᑎᐅᕆᔪᒥᑦ.

ᐃᖃᓇᐃᔭᕈᑎᒋᓗᓂᒋᑦ ᐱᓐᓇᕆᓗᐊᒧᑦ ᓄᓇᑐᐃᓐᓇᖅ ᐊᒻᒪᓗ ᐱᔪᒪᓂᖃᒃᑎᐊᖅᖢᓂ ᐊᑐᐊᒐᓕᕆᓂᕐᒥ, ᓂᑯᓕ ᐃᖃᓇᐃᔭᓱᖑᖕᒪᑦ ᓄᓇᕐᔪᐊᓕᒫᒥ ᐊᖏᖃᑎᒋᒍᑎᓂ ᐋᔨᖃᑎᒋᖕᓂᕐᒥ ᐊᒻᒪᓗ ᐊᑐᐊᒐᓕᕆᓂᕐᒥ ᐊᖏᖅᑕᐅᑎᑦᑎᓇᓱᐊᕈᑎᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᑉ. ᐱᔭᐅᑎᑦᑎᖕᒪᑦ ᐱᓕᕆᓯᒪᓂᖓᓄᑦ ᐃᖃᓇᐃᔭᕐᓗᓂ ᑲᑎᒪᓂᕐᒥ ᐃᓕᓐᓂᐊᕐᓂᓕᕆᓂᕐᒥ, ᐊᑐᐊᒐᓕᕆᓂᕐᒥ, ᐊᒻᒪᓗ ᐊᕙᑎᓕᕆᓂᕐᒧᑦ ᖃᐅᔨᓇᓱᐊᕐᓂᕐᒥ, ᐱᔪᒪᔭᖃᓪᓗᐊᑕᕐᓗᓂ ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᓂᕐᓂ. ᐱᓕᕆᐊᖃᕋᑖᓚᐅᖅᓯᒪᓪᓗᓂ, ᓂᑯᓕ ᐃᖃᓇᐃᔭᖃᑦᑕᓚᐅᕐᒪᑦ ᖃᐅᔨᓇᓱᐊᕐᓂᕐᒥᑦ ᐅᖅᑯᐊᓂ ᐋᐳᓕᑲᐅᑉ ᐊᒻᒪᓗ ᐅᑭᐅᖅᑕᖅᑐᖓᓂ ᐊᑖᓂ ᓄᓇᕐᔪᐊᑉ ᐱᓕᕆᐊᖃᓪᓗᐊᑕᕐᓗᓂ ᐊᓯᕈᒃᑎᑕᐅᑦᑕᐃᓕᒪᓂᖓᓂ ᐱᕙᓪᓕᐊᑎᑕᐅᔪᑦ, ᐊᓯᕈᒃᑕᐅᑎᑦᑎᑕᐃᓕᒪᓗᓂ, ᐊᒻᒪᓗ ᓄᓇᕐᔪᐊᓕᒫᒥ ᐊᕙᑎᓕᕆᓂᕐᒧᑦ ᒐᕙᒪᓕᕆᓂᕐᒥ. ᓂᑯᓕ ᐱᔪᓐᓇᖅᓯᓚᐅᖅᓯᒪᓪᓗᓂ ᐊᔪᖏᓛᑉ ᐃᓕᓴᓯᒪᓂᕐᒥᑦ ᓄᓇᕐᔪᐊᓕᒫᒥ ᐱᓕᕆᖃᒌᓂᑦ ᑕᐃᑲᖓᑦ ᓚᓐᑕᓐ ᐃᓕᓐᓂᐊᕐᕕᖓᓂᑦ ᒪᑭᒪᓇᓱᐊᕈᑎᓕᕆᓂᕐᒥᑦ. ᑲᓪᒍᕆᒥᐅᑕᓚᕆᐅᓪᓗᓂ, ᐊᐅᓪᕘᑕ, ᒫᓐᓇ ᓄᓇᖃᒃᑐᖅ ᕼᐊᓕᐹᒃᓯᒥ, ᓄᕙ ᓯᑯᓴᒥ.