ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᐅᑦᑎᕆᕙᓪᓕᐊᔪᒻᒪᕆᐅᖕᒪᑦ ᐅᑭᐅᖅᑕᖅᑑᑉ ᑕᕆᐅᑉ ᓯᑯᖓᓐᓂ, ᑕᐃᒪᐃᓐᓂᖓᓄᑦ ᐊᑯᓂᐅᓂᖅᓴᒥ ᐅᒥᐊᕐᔪᐊᒃᑰᖅᑎᑦᑎᓂᖅᑕᖃᓲᖑᓕᕐᒪᑦ ᐊᒻᒪ ᐅᐸᒐᒃᓴᐅᓴᕋᐃᓐᓂᖅᓴᐅᓕᖅᑐᓂ ᑕᐃᒪᐃᓚᐅᖅᓯᒪᙱᑦᑐᖅ. ᖁᓕᓂ ᐅᑭᐅᓂ, ᐅᒥᐊᕐᔪᐊᑦ ᐃᖏᕐᕋᓂᖏᑦ ᒪᕐᕉᐃᖅᓱᖅᖢᑎᒃ ᐅᓄᖅᓯᕚᓪᓕᖅᓯᒪᔪᑦ. ᑭᓯᐊᓂ ᑲᓇᑕᐅᑉ ᐅᑭᐅᖅᑕᖅᑐᖓ – ᐊᒻᒪᓗ, ᐱᓗᐊᖅᑐᒥ, ᕿᑭᖅᑕᕋᓛᖏᑦ – ᐊᒃᓱᕈᕐᓇᕐᓂᖅᐹᖑᔪᖅ, ᐅᓗᕆᐊᓇᖅᑐᖅ ᐊᒻᒪ ᐅᖓᓯᒃᖢᓂ ᐅᒥᐊᕐᔪᐊᒃᑰᖅᑎᑦᑎᓂᕐᒧᑦ ᐊᕙᑎᓕᒫᓂ ᓯᓚᕐᔪᐊᕐᒥ.
ᐃᓂᒋᔭᐅᔪᑦ ᐃᓚᖏᓐᓂᒃ, ᐅᒥᐊᕐᔪᐊᒃᑰᖅᑎᑦᑎᓂᕐᒧᑦ ᐊᖅᑯᑎᐅᔪᑦ ᖃᓂᑦᑐᒻᒪᕆᐅᔪᑦ ᐊᑦᑕᕐᓇᖅᑐᓄᑦ ᓇᔪᖅᑕᐅᔪᓄᑦ ᐆᒪᔪᓄᑦ ᐅᕝᕙᓘᓐᓃᑦ ᓂᕈᑭᑦᑐᓂ ᐊᖅᑯᑎᓂ ᐊᑐᖃᑎᖃᓲᑦ ᓄᓇᓖᑦ ᐅᒥᐊᖅᑐᖅᑎᖏᓐᓂ, ᐆᒪᔪᓂᑦ ᐊᒻᒪ ᐅᓗᕆᐊᓇᖅᑐᓂ ᐳᒃᑕᓛᖅᑐᓂ ᓯᑯᓂ. ᓄᑖᖑᔪᓂ ᐊᑐᕆᐊᖃᓕᖅᑐᑦ ᐊᐅᓚᑦᑎᓂᕐᒥᑦ ᐅᒥᐊᕐᔪᐊᑦ ᐃᖏᕐᕋᓂᕆᔭᖏᓐᓂᒃ, ᓴᐳᔾᔨᓂᕐᒥᑦ ᐃᒪᕐᒥᐅᑕᓂᑦ ᓇᔪᖅᑕᐅᔪᓄᑦ ᐆᒪᔪᓄᑦ ᐊᒻᒪ ᐋᖅᑭᒋᐊᖅᑕᓗᑎ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑐᖅᑕᐅᕙᒃᑐᓂ.
ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖅᑎᑦᑎᓂᖅ: ᐃᑲᔫᑎᑦ ᐊᒻᒪ ᐅᓗᕆᐊᓇᕈᑎᑦ
ᐅᒥᐊᕐᔪᐊᒃᑰᖅᑎᑦᑎᓂᖅ ᐱᒻᒪᕆᐅᖕᒪᑦ ᐊᒻᒪ ᐊᑭᑭᔾᔫᒥᓪᓗᓂ ᐅᓯᑲᖅᑕᕐᓂᕐᒧᑦ ᓯᒡᔭᖅᐸᓯᖓᓃᑦᑐᓄᑦ ᓄᓇᓕᖕᓄᑦ. ᑭᑭᑕᐅᓯᒪᓗᑎ ᐃᓅᕕᒃ ᐊᒻᒪ ᑐᒃᑐᔮᖅᑐᖅ, ᐅᑭᐅᖅᑕᖅᑐᒥ ᓄᓇᓖᑦ ᐊᑐᐃᓐᓇᖃᕐᕕᐅᙱᑦᑐᑦ ᐊᕐᕌᒍᓕᒫ ᐃᓗᐊᓂ ᐊᖅᑯᑎᒃᓴᓂᑦ. ᐅᒥᐊᕐᔪᐊᑦ ᐱᒻᒪᕆᐅᖕᒪᑕ ᐅᓯᑲᖅᑕᕐᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ, ᐅᖅᓱᐊᓗᖕᓂᒃ ᐊᓯᖏᓐᓂᒡᓗ ᐱᖁᑎᓂ ᓄᓇᓕᐅᔪᓄᑦ, ᓴᓇᕕᐊᓗᖕᓄᓪᓗ ᐱᓕᕆᐊᖃᖅᑐᓂᑦ, ᖃᐅᔨᓴᕐᕕᖕᓄᑦ ᐊᒻᒪ ᐅᓇᑕᖅᑐᒃᓴᒃᑯᑦ ᓴᓇᕕᒋᔭᖏᓐᓂᒃ. ᑕᕆᐅᕐᔪᐊᖅ ᐱᒻᒪᕆᐅᖕᒥᔪᖅ ᓄᓇᓕᖕᒥᐅᓄᑦ ᓯᑯᒃᑯᑦ ᐊᐅᓪᓚᖅᐸᒃᑐᓄᑦ ᐅᕝᕙᓘᓐᓃᑦ ᐅᒥᐊᒃᑯᑦ ᐊᐅᓪᓛᕆᐊᖅᐸᒃᑐᓄᑦ ᐊᒻᒪ ᐊᖑᓇᓱᒃᐸᒃᑐᓄᑦ.
ᑭᓯᐊᓂ ᐅᒥᐊᕐᔪᐊᒃᑰᖅᑎᑦᑎᓂᖅ ᐅᓄᖅᓯᓂᖏᓐᓄᑦ ᐅᓗᕆᐊᓇᓪᓚᕆᑦᑐᖅ ᐅᑭᐅᖅᑕᖅᑑᑉ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ, ᐅᓗᕆᐊᓇᖅᑐᒦᑦᑕᕇᖅᑐᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐱᔾᔪᑎᒋᓪᓗᒍ. ᐅᖓᓯᓐᓂᖓ, ᓯᓚᐅᑉ ᖃᓄᐃᕐᔪᐊᖃᑦᑕᕐᓂᖓ, ᐃᖅᑲᙳᐊᓕᐅᖅᓯᒪᑦᑎᐊᖏᓐᓂᖏᑦ, ᐱᕕᑭᑦᑐᓂ ᒪᑭᒪᔾᔪᑎᒃᓴᖃᕋᑎ, ᓄᑖᖑᔪᑦ ᐅᕝᕙᓘᓐᓃᑦ ᐃᖏᕐᕋᓕᒪᖏᑦᑐᑦ ᐊᐅᓚᑦᑎᔩᑦ ᐊᒻᒪ ᑐᓴᐅᒪᔾᔪᑏᑦ ᑐᓴᖅᓴᐅᑦᑎᐊᖃᑦᑕᙱᓐᓂᖏᓐᓄᑦ ᐃᓅᓯᕐᓂ ᐅᓗᕆᐊᓇᖅᑐᒦᓕᖅᑎᑦᑎᔪᓐᓇᖅᑐᑦ ᐊᕙᑎᒥᓪᓗ. ᐅᖅᓱᐊᓗᖕᒥᑦ ᑯᕕᕐᔪᐊᖅᑐᖃᕐᓂᕈᓂ, ᓈᒻᒪᓈᙱᑦᑐᒃᑯᑦ ᓯᑯᒥ ᓱᕋᒃᑎᖅᑐᖃᖅᑎᓪᓗᒍ, ᓴᖅᑭᑕᐅᓂᖏᑦ ᐆᒪᔪᓂᑦ ᑲᓇᑕᐅᑉ ᓯᓚᑖᓂᙶᖅᑐᓂᒃ ᐅᕝᕙᓘᓐᓃᑦ ᓂᐱᖃᓗᐊᕐᓃᑦ ᐱᐅᖏᑦᑐᓂ ᐊᒃᑐᐃᓂᖃᓪᓚᕆᒍᓐᓇᖅᑐᑦ ᐃᒪᕐᒥᐅᑕᓂᑦ ᐳᐃᔨᓂ, ᓂᖕᒥᐊᓂᑦ ᐅᕝᕙᓘᓐᓃᑦ ᐃᖃᓗᖕᓂ. ᐅᑭᐅᖅᑕᖅᑑᑉ ᓄᓇᓕᖏᓐᓄᑦ, ᓴᐳᔾᔨᓂᕐᒥᑦ ᑖᒃᑯᓂᖓ ᓄᓇᒥᙶᖅᑐᓂᒃ ᐱᔾᔪᑎᒃᓴᓂᑦ ᐱᒻᒪᕆᐅᕗᖅ ᐃᓕᖅᑯᓯᖏᓐᓄᑦ ᐃᓅᓯᖏᓐᓄᒡᓗ.
ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖅᑎᑦᑎᓂᖅ ᐃᖏᕐᕋᔪᒻᒪᕆᐅᓕᖅᐳᖅ
ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᒥᒃᖠᕆᐊᖅᑎᕇᓐᓇᖅᑐᖅ ᐊᐅᔭᒃᑯᑦ ᑕᕆᐅᑉ ᓯᑯᖓᓐᓂ, ᐊᕐᕌᒍᑕᒫᑦ ᐱᑕᖃᙱᓐᓂᖅᓴᐅᓕᖅᐸᓪᓕᐊᑐᐃᓐᓇᖅᑐᖅ. ᐅᒥᐊᕐᔪᐊᒃᑰᖅᑎᑦᑎᓂᕐᒧᑦ ᓇᖕᒥᓂᕆᔭᐅᔪᓄᑦ, ᑕᒪᓐᓇ ᑐᑭᖃᖅᐳᖅ ᐊᑐᐃᓐᓇᖃᕐᕕᐅᓂᖅᓴᐅᓂᕐᒥᑦ ᐅᑭᐅᖅᑕᖅᑑᑉ ᐃᒪᖏᓐᓄᑦ ᐊᑯᓂᐅᓐᓂᖅᓴᒥᑦ ᐅᑭᐅᑕᒫᑦ. ᐊᒥᓱᕈᖅᐸᓪᓕᐊᑐᐃᓐᓇᖅᑐᑦ ᐅᒥᐊᕐᔪᐊᑦ ᐃᖏᕐᕋᓂᖏᑦ ᓂᕆᐅᒋᔭᐅᓪᓗᓂᓗ ᑕᐃᒪᐃᖏᓐᓇᕐᓂᐊᖅᑐᖅ ᓯᕗᓂᒃᓴᑦᑎᓐᓂ.
ᑖᒃᑯᐊ ᐱᖓᓲᓕᖅᑲᖓᔪᓄᑦ ᑕᐃᒪᐃᒍᑕᐅᓂᖅᐹᖑᔪᑦ:
- ᓄᓇᒥᙶᖅᑐᓂᑦ ᐲᔭᐃᓂᖅ − ᐅᔭᕋᖕᓂᐊᕐᓂᕐᒧᑦ ᐱᓕᕆᐊᖑᔪᑦ ᐅᖓᓯᒃᑐᒦᑦᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᖏᔪᓂ ᐅᒥᐊᕐᔪᐊᕐᓄᑦ ᐊᑐᓲᖑᒻᒪᑕ ᐊᖏᔪᒥ ᐅᖅᓱᐊᓗᖕᒧᑦ ᐱᖁᑎᓄᓪᓗ ᐊᒻᒪ ᓇᒃᓯᐅᔾᔨᓂᕐᒧᑦ ᐱᖁᑎᓂ ᓂᐅᕐᕈᑎᖃᕐᓂᕐᒧᑦ. ᓄᑖᖑᔪᑦ ᓄᓇᒥᙶᖅᑐᓂᑦ ᐲᔭᐃᓂᕐᒧᑦ ᐱᓕᕆᐊᕆᔭᐅᔪᑦ ᓂᕆᐅᒋᔭᐅᕗᑦ ᐅᓄᖅᑐᐊᓗᖕᓂᒃ ᐃᖏᕐᕋᔪᖃᖅᐸᒡᓗᓂ ᓴᓇᕕᐊᓗᓐᓂᒃ ᐃᓚᖏᓐᓂᒃ ᐊᖅᑯᑎᐅᔪᓂ.
- ᐳᓚᕋᖅᑐᓕᕆᓂᖅ − ᐅᑭᐅᖅᑕᖅᑑᑉ ᑲᔾᔮᕆᔭᐅᓂᖓ ᐊᒻᒪ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖅᑯᑎᖓ ᖃᐅᔨᔭᐅᔪᒪᓂᖓ ᐊᒥᓲᓂᖅᓴᓂᒃ ᐳᓚᕋᖅᑎᓂᒃ ᐊᒻᒪ ᐊᐅᓪᓛᖅᑎᓂᒃ ᑎᑭᑎᑦᑎᓂᖅᓴᐅᓕᕐᒪᑦ ᐅᖓᓯᒃᑐᓄᑦ ᐅᑭᐅᖅᑕᖅᑐᒥ ᐃᒪᐅᔪᓄᑦ. ᓈᖕᒪᒃᑐᓂ ᒪᑭᒪᔾᔪᑎᑕᖃᙱᑎᓪᓗᒍ, ᑲᒪᒋᔭᐅᓂᖓ ᐊᒻᒪ ᐊᓯᖏᑦ ᑐᙵᕖᑦ ᐊᑐᖅᑕᐅᔭᕆᐊᓕᖕᓂᑦ, ᑖᒃᑯᐊ ᐊᐅᓚᓂᐅᔪᑦ ᐊᑦᑕᕐᓇᕈᓐᓇᖅᑐᑦ, ᐊᕙᑎᓕᕆᓂᕐᒧᑦ ᐅᓗᕆᐊᓇᕈᓐᓇᖅᑐᑦ ᐊᒻᒪ ᐅᓚᕕᓴᐃᕐᔪᐊᕈᓐᓇᖅᑐᑦ ᐃᓅᓯᕆᔭᐅᔪᓂ ᐅᑭᐅᖅᑕᖅᑑᑉ ᓄᓇᓕᖏᓐᓂᒃ.
- ᖃᐅᔨᓴᕐᓂᖅ − ᖃᐅᔨᓴᐃᓂᕐᒧᑦ ᖃᐅᔨᓴᕐᓂᖅ ᐱᒻᒪᕆᐅᕗᖅ ᑐᑭᓯᐅᒪᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᐊᒃᑐᐃᓂᐅᔪᓂᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᑭᐅᖅᑕᖅᑐᒥ. ᑐᑭᓯᒋᐊᕈᑎᒃᑲᓐᓂᐊᓗᖕᓂᒃ ᐱᑕᖃᕆᐊᖃᖅᑐᖅ ᐊᓯᔾᔨᖅᐸᓪᓕᐊᔪᒻᒪᕆᓐᓂᒃ ᐊᕙᑎᓕᕆᓂᕐᒨᖓᔪᓂᒃ. ᑕᒪᓐᓇ ᑐᕌᖓᓕᕈᑕᐅᓯᒪᔪᖅ ᐅᓄᕐᓂᖅᓴᓂᑦ ᖃᐅᔨᓴᐃᓂᕐᒧᑦ−ᑐᕌᖓᔪᓂᒃ ᐅᒥᐊᕐᔪᐊᕐᓂ ᐃᖏᕐᕋᔪᖃᖃᑦᑕᕐᓂᖓᓄᑦ.
ᐱᐅᔪᒻᒪᕆᐊᓗᒃ ᑲᔾᔭᐅᓴᕆᐊᖅᑐᓄᑦ ᐅᒥᐊᕐᔪᐊᖅ, ᑯᕆᔅᑐ ᓴᕋᓂᑎ ᒥᑦᑎᒪᑕᓕᒃ ᖃᓂᒋᔮᓂ, ᓄᓇᕗᑦ.
ᐃᓕᓴᕆᔭᐅᔪᖅ: ᐸᑐᕆᓴ ᓴᐃᒻᐳᔅ
ᐅᖓᓯᑦᑐᒻᒪᕆᒃ ᐊᒻᒪ ᓂᒡᓚᓱᒃᑐᐊᓗᒃ ᐊᕙᑎ
ᐅᑭᐅᖅᑕᖅᑐᖅ ᐅᐸᒃᑕᐅᓴᕋᐃᓐᓂᖅᓴᐅᖅᑰᔨᓕᖅᑐᖅ, ᑭᓯᐊᓂ ᐅᓗᕆᓇᖅᑐᒻᒪᕆᐅᔪᖅ ᓱᓕ. ᐱᖅᓯᖅᑐᒻᒪᕆᐅᓲᖅ, ᐊᕐᕌᒍᓕᒫᖅ ᐅᖓᑖᓄᑦ ᐳᒃᑕᓛᖅᑐᑦ ᓯᑯᐃᑦ, ᓇᓗᓇᐃᖅᑕᐅᓯᒪᙱᑦᑐᑦ ᐃᖃᓗᐃᑦ ᐊᒻᒪ ᐅᖓᓯᖕᓃᑦ ᐅᓚᕕᓴᐃᕈᓐᓇᖅᑐᑦ ᐱᕙᒌᔭᖅᓯᒪᙱᑦᑐᒥ ᐅᒥᐊᕐᔪᐊᒥ ᐊᖁᑎᒥ. ᐅᒥᐊᕐᔪᐊᑦ ᑕᒡᕘᓈᖃᑦᑕᖅᑐᑦ ᐃᒪᐃᓕᐅᖃᑦᑕᖅᐳᑦ:
- ᐅᖓᓯᑦᑐᒦᓂᖏᑦ – ᐊᐅᓚᑦᑎᔩᑦ ᐱᕙᒌᔭᖅᓯᒪᔭᕆᐊᓖᑦ ᖃᓄᐃᓐᓂᐅᑳᓪᓚᒍᓐᓇᖅᑐᓂ ᐊᒻᒪ ᑐᐊᕕᕐᓇᖅᑐᓄᑦ ᓲᖃᐃᒻᒪ ᐅᓗᓄᑦ ᐅᓄᖅᑐᓄᑦ ᐅᑕᖅᑭᑐᐃᓐᓇᕆᐊᓖᑦ ᐃᑲᔪᖅᑕᐅᓂᕐᒧᑦ, ᐊᑐᐃᓐᓇᐅᔪᖃᖅᐸᑦ ᑭᓯᐊᓂ. ᐆᑦᑑᑎᒋᓗᒍ, ᐅᖅᓱᓗᖕᒥᑦ ᑯᕕᔪᕐᔪᐊᔪᖃᕐᓂᖅᐸᑦ ᑲᒪᒋᔭᐅᔪᓐᓇᙱᑦᑐᖅ.
- ᑭᒡᓕᖃᖅᑐᓂ ᒪᑭᒪᔾᔪᑎᒃᓴᓂᑦ ᐊᒻᒪ ᐱᔨᑦᑎᕋᐅᑎᓂᑦ – ᓄᓇᓕᓕᒫᑲᓴᖕᓄᑦ, ᑐᐊᐸᐃᑦ ᓯᔾᔭᐃᑦ ᒪᑭᒪᔾᔪᑎᒃᓴᓪᓗᐊᑕᐅᕗᑦ ᒥᑭᑦᑐᓄᑦ ᐅᒥᐊᕐᔪᐊᓄᑦ ᐊᒻᒪ ᐅᓯᔭᐅᔪᓂᒃ ᐲᔭᐃᓂᕐᒧᑦ. ᑐᓚᑦᑕᕐᕖᑦ, ᑐᓴᐅᒪᔪᓕᕆᓂᕐᒨᖓᔪᑦ ᐊᒻᒪ ᐊᑦᑕᑯᓂᑦ ᓂᐅᕋᐃᕕᐅᕙᒃᑐᑦ ᐊᑐᐃᓐᓇᐅᖏᑦᑐᑦ. ᐊᓯᖏᑦ ᒪᑭᒪᔾᔪᑏᑦ, ᓲᕐᓗ ᐃᑲᔫᑎᒃᓴᑦ ᐃᖏᕐᕋᓂᕐᒧᑦ, ᑭᓴᕐᕖᑦ, ᓂᐅᕋᐃᕖᑦ ᐊᒻᒪ ᓇᑉᐸᖓᔪᑦ ᓇᓗᓇᐃᒃᑯᑕᑦ ᐊᒻᒪ ᓯᑯᒥ ᓱᕋᒃᑎᕆᓂᕐᒧᑦ ᐱᔨᑦᑎᕋᐅᑏᑦ ᐅᓄᖏᑦᑐᑦ ᐊᒻᒪ ᐅᖓᓯᒃᑯᑦ. ᑮᓇᐅᔭᖅᑖᖅᑎᑕᐅᒋᐊᖃᓪᓚᕆᒃᑐᑦ ᑲᒪᒋᔭᖃᕐᓂᕐᒥᑦ ᑕᒪᒃᑯᓂᖓ ᐊᑯᓂᓗᐊᕌᓗᒃ ᐊᒥᒐᕆᔭᐅᔪᓂ.
- ᐊᒃᓱᐊᓗᒃ ᐊᓯᔾᔨᖅᑕᖅᑐᖅ ᐊᒻᒪ ᐃᖅᑲᙳᐊᓕᐅᖅᑕᐅᓯᒪᙱᑦᑐᖅ – ᐅᓄᖅᑐᑦ ᐃᓂᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᐃᖅᑲᖓᓂ ᖃᐅᔨᓴᖅᑕᐅᓂᑰᖏᑦᑐᑦ ᐅᓪᓗᒥᒨᖓᔪᓂᒃ ᒪᓕᒃᑕᐅᕙᒃᑐᓂᑦ. ᐃᒃᑲᒃᑐᓂ ᐊᒻᒪ ᓂᕈᑭᑦᑐᓂ ᐃᑲᕐᕋᓂ ᐅᑭᐅᖅᑕᖅᑑᑉ ᕿᑭᖅᑕᖏᑎᒍᑦ, ᐆᒃᑐᕋᐃᓂᖓᓂ ᐃᒪᐅᑉ ᐃᑎᓂᖓᓂ ᐱᑕᖃᐅᑦᑎᐊᙱᓐᓂᖓᓄᑦ ᑐᑭᓯᒋᐊᕈᑎᓂ ᐅᒥᐊᕐᔪᐊᕐᓂ ᐅᓗᕆᐊᓇᖅᑐᒦᑎᑦᑎᔪᑦ ᐃᑲᕐᕆᓂᕐᒥᑦ. 2010-ᒥ, ᐃᓄᖕᓂᑦ ᐅᓯᔪᖅ ᐅᒥᐊᕐᔪᐊᖅ ᐊᒻᒪ ᐅᖅᓱᐊᓗᖕᓂ ᐅᓯᔪᖅ ᐅᒥᐊᕐᔪᐊᖅ ᐃᑲᕐᕆᓚᐅᖅᑐᑦ ᐃᒃᑲᒃᑐᓂ ᕿᑎᕐᒥᐅᑦ ᐊᕕᒃᑐᖅᓯᒪᓂᖓᓂ. ᑖᓐᓇ ᐊᒃᓵᓐ ᕚᓪᑕᔅ ᑕᐃᒪᐃᓚᐅᖅᓯᒪᔪᖅ ᐊᓛᔅᑲᒥ 1989-ᒥ, ᐊᖏᔪᒻᒪᕆᐊᓗᖕᒥᑦ ᐅᖅᓱᐊᓗᖕᒥᑦ ᑯᕕᔪᖃᕐᓂᖅᖢᓂ.
- ᐊᕐᕌᒍᓕᒫᖅ ᐅᖓᑖᓄᑦ ᐳᒃᑕᓛᖅᑐᑦ ᓯᑯᐃᑦ – ᐊᕐᕌᒍᓕᒫᖅ ᐅᖓᑖᓄᑦ ᓯᑯᐃᑦ ᑎᓯᓂᖅᐹᖑᔪᑦ ᐊᒻᒪ ᐅᓗᕆᐊᓇᖅᖢᑎᒡᓗ ᐅᒥᐊᕐᔪᐊᕐᓄᑦ. ᑕᕆᐅᑉ ᓯᑯᖓ ᐊᐅᑉᐸᓪᓕᐊᓕᖅᑎᓪᓗᒍ ᐅᑭᐅᖅᑕᖅᑑᑉ ᑕᕆᐅᕐᔪᐊᖓᓂ, ᓯᑯᖃᙱᑦᑐᖅ ᐃᒪᖅ ᐊᕐᕌᒍᓕᒫᖅ ᐅᖓᑖᓄᑦ ᓯᑯᓂ ᐳᒃᑕᓛᖅᑎᑦᑎᓲᖑᒻᒪᑦ ᐃᑲᕐᕋᖅᑎᒍᑦ ᐅᑭᐅᖅᑕᖅᑑᑉ ᕿᑭᖅᑕᖏᑎᒍᑦ. ᖃᐅᔨᓴᖅᑐᓕᕆᔩᑦ ᓂᕆᐅᓂᖃᖅᐳᑦ ᑐᑯᓂᖅᓴᐅᖃᑦᑕᕐᓂᐊᓕᖅᑐᑦ ᐳᒃᑕᓛᖅᑐᓂ ᓯᑯᓂ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ.
- ᓯᓚᕐᒨᖓᔪᑦ ᐊᓯᔾᔨᖅᑕᕐᓂᖓᓄᑦ – ᓯᓚᐅᑉ ᐊᓯᔾᔨᖅᓴᕋᐃᓐᓂᖓᓄᑦ ᐅᒥᐊᕐᔪᐊᑦ ᐅᖅᑯᐊᓐᓂᓕᖕᒧᐊᕋᓱᒋᐊᖃᓲᑦ. ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᓂᕆᐅᒋᔭᐅᕗᖅ ᓯᓚᒧᑦ−ᑐᕌᖓᓕᕈᑕᐅᔪᓂᒃ ᐅᓗᕆᐊᓇᖅᑐᒦᓕᖅᑎᑦᑎᒃᑲᓐᓂᕐᓂᐊᖅᑐᖅ. ᓯᑯᓇᓵᖃᑦᑕᓕᖅᑐᖅ ᐅᑭᐊᒃᓵᒃᑯᑦ, ᐅᒥᐊᕐᔪᐊᒃᑰᖅᑎᑦᑎᖃᑦᑕᖅᑐᑦ ᓇᖕᒥᓂᕆᔭᐅᔪᑦ ᐊᐅᓚᓂᖃᓕᓲᑦ ᐃᖏᕐᕋᓇᐅᓪᓗᐊᙱᑎᓪᓗᒍ, ᐊᓄᕌᕐᔪᐊᖃᑦᑕᕐᓂᖅᓴᐅᓕᖅᑎᓪᓗᒍ. ᐃᑲᔪᓇᓱᒡᓗᓂ ᐱᕐᕈᓗᐊᕿᕐᔪᐊᖅᑐᓂ ᐅᑭᐊᒃᓵᑉ ᐃᓱᐊᓂ ᐊᒃᓱᕈᕐᓇᓪᓚᕆᒃᑲᔭᖅᑐᖅ.
ᐱᓕᕆᔾᔪᓯᕗᑦ
ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐱᓕᕆᖃᑎᖃᖅᑐᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ ᐊᒻᒪ ᒐᕙᒪᑐᖃᒃᑯᓐᓂ ᓯᓚᕐᔪᐊᕐᒥ−ᐱᐅᓛᓂᒃ ᒪᓕᒃᑕᐅᔪᒃᓴᓕᐊᓂᒃ ᐊᕙᑎᓕᕆᓂᕐᒧᑦ ᓇᐅᑦᑎᖅᓱᕐᓂᕐᒥᑦ ᐅᒥᐊᕐᔪᐊᓂ ᐊᖁᑎᐅᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᐱᖓᓱᑦ ᐱᒻᒪᕆᐅᔪᑦ ᑐᑦᑕᕐᕕᐅᓪᓗᑎ ᐱᓕᕆᐊᕆᔭᑦᑎᓐᓄᑦ:
ᒪᓕᒐᐅᔪᓂᒃ ᐊᒻᒪ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓖᑦ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖅᑎᑦᑎᓂᕐᒧᑦ ᐃᒪᓕᐅᔾᔨᔭᕆᐊᓖᑦ ᓴᙱᔪᒥ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ ᐊᒃᑐᖅᑕᐅᓴᕋᐃᒃᑐᓄᑦ ᐃᓂᐅᔪᓄᑦ ᐊᒻᒪ ᐅᓗᕆᐊᓇᖅᑐᓄᑦ ᐅᑭᐅᖅᑕᖅᑑᑉ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ ᐊᒻᒪ ᐆᒪᔪᓂᑦ.
- ᑕᐃᑰᓇ ᓄᓇᑖᕐᓂᕐᒧᑦ ᑲᑐᔾᔨᖃᑎᒌᒃᑯᖏᓐᓂ, ᐃᓄᐃᑦ ᐃᓚᐅᑦᑎᐊᕆᐊᓖᑦ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖅᑎᑦᑎᓂᕐᒧᑦ ᐊᑐᐊᒐᓕᐅᕐᓂᕐᒥᑦ ᐊᒻᒪ ᐊᑐᓕᖅᑎᑦᑎᓂᕐᒥ ᐅᒥᐊᕐᔪᐊᓂ ᐊᐅᓚᑦᑎᓂᕐᒧᑦ ᐊᒻᒪ ᓇᐅᑦᑎᖅᓱᕐᓂᕐᒧᑦ.
- ᑕᑎᒋᔭᐅᔪᓐᓇᖅᑐᖅ, ᐱᕐᕈᓗᒃᑕᐃᓕᑎᑦᑎᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᑲᓇᑕᒥ ᐊᓯᔾᔨᖅᐸᓕᐊᖏᓐᓇᕆᐊᓕᒃ ᐊᒻᒪ ᐱᐅᓂᖅᓴᐅᓕᕐᓗᓂ – ᐃᓚᒋᓪᓗᓂᔾᔪᒃ ᑮᓇᐅᔭᖅᑖᖅᑎᑕᐅᓂᒃᑯᑦ ᓄᓇᓕᖕᓂ ᒪᑭᒪᔾᔪᑎᒃᓴᓄᑦ ᓈᒪᑎᒋᐊᕐᓗᒋᓗ − ᑎᑭᐅᒪᑦᑎᐊᖁᓪᓗᒋᑦ ᐊᙴᒪᑎᓗᑎ ᐅᓄᕐᓂᖅᓴᓂ ᐅᒥᐊᕐᔪᐊᒃᑰᖅᑎᑦᑎᓂᐅᔪᓂ.
ᐅᒥᐊᕐᔪᐊᒃᑰᖅᑎᑦᑎᓂᖅ ᐋᓪᓚᒋᔭᐅᙱᑦᑐᖅ ᐅᑭᐅᖅᑕᖅᑐᒥ – ᓄᓇᖃᖅᑳᖅᓯᒪᔪᑦ ᐊᐅᓪᓚᐅᔾᔨᖃᑦᑕᓚᐅᖅᑐᑦ ᐱᖁᑎᓂ ᐊᒻᒪ ᐊᐅᓪᓚᖅᐸᓚᐅᖅᑐᑦ ᐅᒥᐊᒃᑯᑦ ᖃᓪᓗᓈᑦ ᑎᑭᓚᐅᙱᑎᓪᓗᒋᑦ ᓱᓕ. ᐅᓪᓗᒥᐅᔪᖅ ᐊᔾᔨᐅᖏᑦᑐᖅ ᐅᒥᐊᕐᔪᐊᒃᑰᖅᑎᑦᑎᓂᐅᑉ ᐊᖏᓂᖓ. ᑖᒃᑯᐊ ᐃᒪᐃᑦ ᓴᐳᔾᔨᔪᒪᓪᓗᒋᑦ, ᑲᔪᖏᖅᓴᐃᔭᕆᐊᖃᖅᐳᒍᑦ ᐃᓱᒪᒃᓴᖅᓯᐅᖅᓯᒪᑦᑎᐊᖅᑐᓂ, ᑲᔪᓯᑦᑎᐊᕈᓐᓇᖅᑐᓂ ᐱᐅᓯᓂᑦ ᐃᑲᔪᖅᓱᕐᓂᐊᖅᑐᓂ ᓴᓇᔭᐅᓯᒪᔪᓄᑦ ᐊᒻᒪ ᐃᓄᖕᓂᒃ ᑕᒫᓂᕐᒥᐅᑕᓂ.
ᐊᖑᓇᓱᒃᑎ ᐃᑳᖅᑐᖅ ᐋᔪᕋᒃᑯᑦ ᐃᓄᕕᐊᓗᐃᑦ ᐊᖏᖃᑎᒌᒍᑎᑖᕐᓂᕐᒧᑦ ᐊᕕᒃᑐᖅᓯᒪᔪᓄᑦ, ᓄᓇᑦᓯᐊᕐᒥ.
ᐃᓕᓴᕆᔭᐅᔪᖅ: ᔭᕗᕆ ᐹᓪ
ᐊᑐᖅᑕᐅᔪᓐᓇᖅᑐᑦ ᐃᓚᒋᔭᐅᔪᑦ
The Integrated Arctic Corridors Framework Planning for responsible shipping in Canada’s Arctic waters
The Integrated Arctic Corridors Framework proposes a comprehensive system of tiered, risk-based shipping routes, and an associated governance structure, that would integrate safe shipping, Inuit rights, and environmental protection, and provide benefit to Canada, the shipping industry, and Arctic communities.